रुग्णवाहिकेत ऑक्सिजन संपल्याने एका दिवसाच्या बाळाचा मृत्यू!

baby died due to lack of oxygen राजस्थानच्या भरतपूर जिल्ह्यातून जयपूरमधील सरकारी रुग्णालयात नेण्यात आलेल्या एका दिवसाच्या बाळाचा दुर्दैवी मृत्यू झाला. वृत्तानुसार, रुग्णवाहिकेचा ऑक्सिजन सिलिंडर वाटेत संपला आणि चालकाने बाळाला जवळच्या दुसऱ्या रुग्णालयात सोडले. रुग्णवाहिकेत कोणताही नर्सिंग स्टाफ उपस्थित नव्हता. घटनेनंतर डझनभर लोक रुग्णालयात जमा झाले आणि प्रशासनाविरुद्ध घोषणाबाजी केली. खासगी रुग्णवाहिकेत ऑक्सिजन संपल्याचा आरोप बाळाच्या वडिलांनी केला आहे.

 

 

मुलाला श्वास घेण्यात त्रास होत असल्याने त्याला भरतपूरच्या बयाना रुग्णालयातून जयपूरच्या एसएमएस रुग्णालयात नेण्यात आले होते. बस्सी पोलिस स्टेशनचे अधिकारी धर्मेंद्र कुमार यांनी सांगितले की, वडील आणि काकासह बाळ खाजगी रुग्णवाहिकेतून नेण्यात आला, परंतु ऑक्सिजन संपल्यामुळे चालकाने मुलाला जवळच्या बस्सी सरकारी रुग्णालयात सोडले, जिथे डॉक्टरांनी त्याला मृत घोषित केले. स्टेशन ऑफिसरच्या म्हणण्यानुसार, अद्याप कोणतीही तक्रार दाखल झालेली नाही. बाळाचा मृतदेह वडील भरतपूरला घेऊन गेले, पोहोचताच रुग्णालय प्रशासनाविरुद्ध निदर्शने सुरू झाली आणि नागरिकांनी घोषणाबाजी केली.