कत्तलीसाठी जाणाऱ्या 65 गोवंशीय बैलांची सुटका

राळेगाव,

cattle destined for slaughter वडकी पोलिस ठाण्याच्या हद्दीत येणाऱ्या राष्ट्रीय महामार्ग क्रमांक 44 वर स्थानिक गुन्हे शाखेच्या पथकांनी कत्तलीसाठी नेणाèया जनावरांचे दोन ट्रक अडवून 65 गोवंशीय बैलांची सुटका केली. या कारवाईत पोलिसांनी गोवंशासह 30 लाखांच्या मुद्देमाल जप्त करून 4 आरोपींना अटक केली. तर एक आरोपी पळून जाण्यात यशस्वी झाला.

 

 

 

 

 

ही कारवाई स्थानिक गुन्हे शाखा पथकाने 14 डिसेंबर रोजी मध्यरात्री 1 च्या दरम्यान राष्ट्रीय महामार्ग क्रमांक 44 वरील भारत पेट्रोलपंपसमोरील राजस्थानी धाब्याजवळ केली. यवतमाळ स्थानिक गुन्हे शाखापथक मध्यरात्री गस्तीवर असताना ट्रक क्र. एमएच40 वाय0951 व एमएच04 एचई3515 या दोन्ही ट्रकमध्ये नागपूरहून तेलंगणात कत्तलीसाठी जनावरे घेऊन जात असल्याची गोपनीय माहिती मिळाली. या माहितीच्या आधारे पथकाने राष्ट्रीय महामार्ग क्र. 44 वरील सिंदोडाजवळ सापळा रचला. मात्र हे दोन्ही ट्रक महामार्गावरील भारत पेट्रोलपंपाजवळ खाली जागेत जय बजरंगबली राजस्थानी धाब्याजवळ पार्किंगमध्ये लपून बसल्याची माहिती पथकाला मिळाली.

तेथे जाऊन पाहणी केली असता दोन्ही ट्रक आढहले. ट्रकची तपासणी केली असता दोन्ही ट्रकमध्ये 65 गोवंशीय जनावरे व 1 मृत जनावर दोरखंडाने बांधलेले दिसले. दोन्ही ट्रकमधील आरोपी ट्रकचालक शेख शहनवाज बेख महबूब (वय 31, यशोदानगर नागपूर), शेख अरबाज शेख कलीम (वय 25, कामठी नागपूर), मो. नसरुद्दीन मो. इरशादोद्दीन कुरेशी (वय 28, कामठी नागपूर), मो. हसन रोशन अन्सारी (वय 26, नागपूर) असे अटक करण्यात आलेल्या आरोपींची नावे आहेत. यातील वकार कुरेशी (कामठी नागपूर) असे फरार आरोपीचे नाव आहे.

पोलिसांनी आरोपीच्या ताब्यातून 65 गोवंशीय जनावरे व 1 मृत असे एकूण 9 लाख 80 हजार रुपये, दोन मोबाईल 20 हजार रुपये व 2 ट्रक (20 लाख रुपये) असा एकूण 30 लाखांचा मुद्देमाल स्थानिक गुन्हेशाखा पथकाने जप्त केला.

ही कारवाई जिल्हा पोलिस अधीक्षक कुमार चिंता, अपर पोलिस अधीक्षक अशोक थोरात यांच्या मार्गदर्शनात स्थानिक गुन्हे शाखा यवतमाळचे पोलिस निरीक्षक सतीश चवरे, सहायक पोलिस निरीक्षक दत्ता पेंडकर, पोलिस उपनिरीक्षक धनराज हाके, सुनील खंडागळे, सुधीर पांडे, निलेश निमकर, सुधीर पिदुरकर, रजनीकांत मडावी, सलमान शेख यांनी पार पाडली.