बासमती तांदळावर भारत-अमेरिकेचा नवा वाद: "महाग तांदूळ स्वस्त कसा विकू"?

dispute-between-india-and-us-over-basmati गेल्या काही दिवसांपासून भारत आणि अमेरिकेतील व्यापार संबंध तणावात आहेत. अमेरिकेने भारतावर तांदळाची डंपिंग केल्याचा गंभीर आरोप केला होता. मात्र, भारताने या आरोपांना फेटाळून लावले आहे. भारतीय सरकारने स्पष्टपणे सांगितले की भारतातून अमेरिकेत निर्यात होणारा तांदूळ बहुतेक प्रीमियम दर्जाचा बासमती तांदूळ आहे, जो सामान्य बासमतीपेक्षा महाग असून डंपिंगच्या अर्थाने विकला जात नसतो. भारताने म्हटले की, अमेरिकेने अद्याप याबाबत कोणतीही औपचारिक चौकशी सुरू केलेली नाही, तरीही आधीच आरोप केला गेला. भारताला डंपिंगची कोणतीही प्रथमदर्शनी शक्यता दिसत नाही, असेही स्पष्ट केले.

 

 

भारतीय व्यापार सचिव राजेश अग्रवाल यांनी सांगितले की, भारताच्या तांदळाच्या निर्यातीचे स्वरूप वेगळे असून त्याला बाजारभावापेक्षा कमी किंमतीत विक्री म्हणून वर्गीकृत करता येणार नाही. डंपिंग म्हणजे उत्पादन त्याच्या सामान्य किंमतीपेक्षा कमी किंमतीत निर्यात करणे होय, परंतु बासमती तांदूळ त्याच्या सुगंध, गुणवत्ता आणि आंतरराष्ट्रीय मागणीमुळे नेहमीच उच्च भावाने विकला जातो. डोनाल्ड ट्रम्प यांनी शेतकऱ्यांसोबतच्या बैठकीदरम्यान भारतावर तांदळाची डंपिंग करण्याचा आरोप केला आणि भारतातून निर्यात होणाऱ्या तांदळावर अधिक शुल्क लादण्याचे संकेत दिले. dispute-between-india-and-us-over-basmati भारत जगातील सर्वात मोठा तांदूळ निर्यात करणारा देश असून दरवर्षी अनेक देशांना, विशेषतः अमेरिकेला मोठ्या प्रमाणात तांदूळ पाठवतो. भारताने अमेरिकेच्या आरोपावर स्पष्ट भूमिका घेतली आहे. सरकारने सांगितले की, आमच्या तांदळाचा बाजारभावच जास्त आहे, त्यामुळे तो स्वस्त का विकावा, असा प्रश्न निर्माण होतो. 2024-25 मध्ये भारताने एकूण 20.2 दशलक्ष मेट्रिक टन तांदळाची निर्यात केली असून त्यापैकी सुमारे 3.35 लाख टन तांदूळ अमेरिकेत निर्यात केला गेला, ज्यात सुमारे 2,74,000 टन बासमती तांदूळ होता.