दीप्ती शर्माला फायदा आणि स्मृती मंधानाला झटका!

ICC Rankings : आयसीसीने ताज्या क्रमवारी जाहीर केल्या आहेत, ज्यामध्ये भारताची स्टार ऑलराउंडर दीप्ती शर्माने एक मोठा टप्पा गाठला आहे. दीप्ती शर्मा महिला टी-२० क्रमवारीत नंबर वन गोलंदाज बनली आहे. दीप्तीने टी-२० क्रमवारीत पहिल्यांदाच हे स्थान मिळवले आहे. भारत आणि श्रीलंका यांच्यातील घरच्या टी-२० मालिकेतील पहिल्या सामन्यात उत्कृष्ट कामगिरी केल्यानंतर तिने हे यश मिळवले. विशाखापट्टणममध्ये खेळल्या गेलेल्या या सामन्यात दीप्तीने चार षटकांत फक्त २० धावा देत एक विकेट घेतली, ज्यामुळे ती ऑस्ट्रेलियाच्या अ‍ॅनाबेल सदरलँडला मागे टाकत नंबर वन टी-२० गोलंदाज बनली.

 

 

 

 

 

अ‍ॅनाबेल सदरलँड ऑगस्टपासून यादीत अव्वल स्थानावर होती, परंतु भारताच्या आठ विकेटने विजयामुळे दीप्तीला पाच रेटिंग गुण मिळाले. आता, २८ वर्षीय दीप्ती टी-२० गोलंदाजांच्या क्रमवारीत सदरलँडपेक्षा फक्त एका गुणाने पुढे आहे. पाकिस्तानी गोलंदाज सादिया इक्बाल महिला टी-२० गोलंदाजांच्या क्रमवारीत एका स्थानाने घसरली आहे. सादिया आता तिसऱ्या स्थानावर घसरली आहे. शिवाय, टॉप १० महिला गोलंदाजांच्या टी-२० क्रमवारीत कोणताही बदल झालेला नाही.

 

 

दीप्ती शर्माने पुन्हा अव्वल स्थान पटकावले आहे, तर स्मृती मानधनाने पहिले स्थान गमावले आहे. स्मृती मानधनाने एक स्थान घसरले आहे आणि आता ती महिला एकदिवसीय फलंदाजांच्या क्रमवारीत दुसऱ्या स्थानावर आहे. दक्षिण आफ्रिकेची कर्णधार लॉरा वोल्वार्डने आयसीसी महिला क्रमवारीत लक्षणीय वाढ केली आहे. लॉरा वोल्वार्डने महिला एकदिवसीय फलंदाजांच्या क्रमवारीत मानधनाला मागे टाकत पहिले स्थान मिळवले आहे.

 

 

आयर्लंडविरुद्धच्या तीन सामन्यांच्या घरच्या वनडे मालिकेत प्रभावी कामगिरी केल्याबद्दल लॉरा वोल्वार्डला बक्षीस मिळाले आहे. वोल्वार्डने गेल्या दोन सामन्यांमध्ये सलग शतके झळकावली, ज्यामुळे दक्षिण आफ्रिकेला मालिका ३-० अशी जिंकता आली. या प्रभावी कामगिरीसह, वोल्वार्डने कारकिर्दीतील सर्वोत्तम रेटिंग मिळवले आणि अव्वल स्थान पटकावले. टॉप १० एकदिवसीय फलंदाजांमध्ये दोन भारतीय महिला फलंदाजांचा समावेश आहे. स्मृती मानधनाची दुसऱ्या स्थानावर घसरण झाली आहे. जेमिमा रॉड्रिग्ज दहाव्या स्थानावर आहे.