कोल इंडियाच्या शेअरची मोठी उसळी, कारण काय?

Coal India, सार्वजनिक क्षेत्रातील कोल इंडियाचा संचालक मंडळाने महानदी कोलफिल्ड्स लिमिटेड (एमसीएल) आणि साउथ ईस्टर्न कोलफिल्ड्स लिमिटेड (एसईसीएल) या दोन उपकंपन्यांना भांडवली बाजारात सूचीबद्ध करण्यास तत्त्वतः मंजुरी दिली आहे. या निर्णयानंतर कोल इंडियाचा समभाग ३ टक्क्यांनी वाढला आणि ४१२.४० रुपयांपर्यंत वधारला, जे शेअरची सात महिन्यांतील सर्वोच्च पातळी आहे.

 

 

१६ डिसेंबर रोजी कोळसा मंत्रालयाने कोल इंडियाला आगामी २०२७ या आर्थिक वर्षात या दोन उपकंपन्यांच्या पुढील सूचीकरणासाठी ठोस पावले उचलण्याचा सल्ला दिल्यानंतर हा निर्णय घेण्यात आला.साउथ ईस्टर्न कोलफिल्ड्स लिमिटेड ही मिनीरत्न कंपनी असून तिच्या ७३ मोठ्या कोळसा प्रकल्पांसाठी एकूण ३०.२८ कोटी टन प्रति वर्ष क्षमतेचे भांडवल मंजूर आहे, जे ४४,५७१ कोटी रुपयांचे आहे. यापैकी ३० प्रकल्प सध्या सुरू असून ३८ प्रकल्प पूर्ण झाले आहेत. एसईसीएलने वर्ष २०२४-२५ मध्ये १६.७५ कोटी टन कोळशाचे उत्पादन केले आहे. या कंपनीचे साठे छत्तीसगड आणि मध्य प्रदेशमध्ये पसरलेले आहेत.महानदी कोलफिल्ड्स लिमिटेडची स्थापना १९९२ मध्ये एसईसीएलमधून करण्यात आली होती आणि २०१९ मध्ये तिला मिनीरत्न दर्जा मिळाला. या कंपनीचे मुख्यालय संबळपूर येथे आहे.त्याचबरोबर भारत कोकिंग कोल लिमिटेड (बीसीसीएल) पुढील दोन आठवड्यांत १,३०० कोटी रुपयांची समभाग विक्री करणार असून, यामध्ये कोल इंडियाचा बीसीसीएलमधील १० टक्के हिस्सा विक्रीसाठी उपलब्ध होईल.

कोल इंडियाच्या Coal India,  समभागाची कामगिरी मागील काळात प्रभावी राहिली आहे. गेल्या एका आठवड्यात समभागाने जवळपास ७ टक्के आणि एका महिन्यात १० टक्क्यांहून अधिक वाढ नोंदवली आहे. गेल्या तीन वर्षांत कंपनीच्या समभागात ९१ टक्क्यांहून अधिक वाढ झाली आहे, ज्यामुळे गुंतवणूकदारांमध्ये उत्साह वाढला आहे.विशेषज्ञांच्या मते, एमसीएल आणि एसईसीएलच्या सूचीकरणामुळे कोल इंडियाच्या भांडवली बाजारातील उपस्थितीत मोठा बदल होऊ शकतो आणि ही पावले कंपनीच्या वाढीच्या धोरणात मीलाचा दगड ठरणार आहेत.