केंद्र सरकारची 'योजना! मुलींच्या शिक्षणासाठी 'आर्थिक पाठबळ'

Sukanya Samriddhi Yojana केंद्र सरकारने मुलींच्या शिक्षण, करिअर आणि लग्नासाठी पालकांना आर्थिक पाठबळ देण्यासाठी सुकन्या समृद्धी योजना सुरू केली आहे. ही योजना मुलींच्या भविष्यासाठी सुरक्षित गुंतवणूक आणि करसवलतीसह आकर्षक परतावा देणारी मानली जाते.

 

 

 

सुकन्या समृद्धी योजनेत 10 वर्षांपेक्षा कमी वयाच्या मुलींसाठी खाते उघडले जाते. या योजनेत वार्षिक रक्कम 250 रुपयांपासून 1.5 लाख रुपयांपर्यंत जमा करता येते. खाते 21 वर्षांपर्यंत सुरू राहते, मात्र गुंतवणूक फक्त पहिल्या 15 वर्षांतच करावी लागते. म्हणजे 16 वर्षानंतरदेखील खाते व्याज वाढवत राहते, जरी नवीन रक्कम जमा नसेल तरी. ही योजना आयकर सवलत आणि करमुक्त लाभांसह येते, जे पालकांसाठी आणखी आकर्षक बनवते.

 

 

सध्या या योजनेसाठी Sukanya Samriddhi Yojana केंद्र सरकार वार्षिक 8.2 टक्के व्याजदर देते. व्याज दर तिमाहीत खात्यात जमा केला जातो. उदाहरणार्थ, जर पालक दर महिन्याला 2 हजार रुपये मुलीच्या नावावर जमा करतात, तर त्याची वार्षिक गुंतवणूक 24 हजार रुपये होते. पंधराशे वर्षांच्या कालावधीत हा हिशेब 3.6 लाख रुपयांचा होतो. 8.2 टक्के व्याजदराने 21 वर्ष पूर्ण झाल्यानंतर, मुलीला तब्बल 9.6 ते 10 लाख रुपयांपर्यंतची रक्कम मिळू शकते.सुकन्या समृद्धी योजनेची आणखी एक खासियत म्हणजे 16 ते 21 वयोगटात पालकांना गुंतवणूक करावी लागत नाही, तरीही आधीच्या गुंतवणुकीवर व्याज मिळत राहते. यामुळे 3.6 लाख रुपयांच्या गुंतवणुकीवर तब्बल तीनपट रक्कम मुलीला मिळते. योजनेत जमा रक्कमेवर व्याजही वाढत राहते, जे मुलीच्या भविष्यातील शिक्षण किंवा लग्नासाठी उपयोगी ठरते.जर मुलीच्या शिक्षणासाठी 18 वर्षांनंतर रक्कम वापरायची असेल, तर त्यापैकी 50 टक्के रक्कम काढता येते. सरकारी गॅरंटीमुळे ही योजना कोणत्याही जोखमीशिवाय सुरक्षित मानली जाते. पालक त्यांच्या सोईनुसार ही गुंतवणूक सुरू ठेवू शकतात आणि मुलीच्या भविष्यासाठी विश्वासार्ह आर्थिक आधार निर्माण करू शकतात.सुकन्या समृद्धी योजना मुलींच्या शिक्षण आणि करिअरबरोबरच लग्नासाठीही योग्य वेळेवर आर्थिक तयारी करण्याची संधी देते. सुरक्षित, करमुक्त आणि गॅरंटीड परतावा या योजनेमुळे ही योजना आजच्या पालकांसाठी अत्यंत उपयुक्त ठरली आहे.