राष्ट्रवादी-ठाकरे गटात जागावाटपावर मतभेद?

Differencesin NCParty and the Thackeray महानगरपालिका निवडणुकीच्या पार्श्वभूमीवर राजकीय गती वाढत असताना, राष्ट्रवादी काँग्रेस आणि ठाकरे गटाच्या शिवसेनेतील युतीची चर्चा फिस्कटल्याची माहिती समोर आली आहे. मंगळवारी रात्री झालेल्या बैठकीत दोन्ही पक्षांनी ज्या जागांवर दावा केला होता, त्यावर कोणताही ठोस तोडगा निघालेला नाही, अशी सूत्रांची माहिती आहे. कुर्ला, विक्रोळी आणि धारावी या भागातील जागा, जिथे २०१७ मध्ये राष्ट्रवादी काँग्रेसचे नगरसेवक निवडून आले होते, त्या ठाकरे गटाने देण्यास नकार दिला आहे. राष्ट्रवादी काँग्रेसने ३० जागांचा प्रस्ताव ठेवला होता; मात्र ठाकरे गटाने फक्त १५-२० जागा देण्याची तयारी दर्शवली. त्यामुळे दोन्ही पक्षांमध्ये अंतर टिकले असून, राष्ट्रवादी काँग्रेस काँग्रेसकडे आपला प्रस्ताव ठेवण्याची शक्यता वाढली आहे. यामुळे राष्ट्रवादी काँग्रेस-ठाकरे युतीच्या शक्यता कमी असल्याचे चित्र दिसत आहे.

 

 

 

ठाकरे गट आणि महाराष्ट्र नवनिर्माण सेनेच्या युतीचा संभाव्य फॉर्म्युला असा आहे: ठाकरे गट १४०-१५० जागांवर लढवेल तर मनसे ६०-७० जागा मिळवेल. जर राष्ट्रवादी काँग्रेस युतीत सामील झाला, तर १५-२० जागा ठाकरे गटाच्या कोट्यातून दिल्या जातील, ठाकरे गट १३०-१४० आणि मनसे ६०-७० जागा मिळवेल. मुंबईसह सात नगरपालिकांमध्ये राज ठाकरे आणि उद्धव ठाकरेंचा पक्ष एकत्रित लढणार आहे. मुंबई महानगरपालिका या लढाईसाठी सर्वाधिक महत्त्वाची मानली जाते. राज आणि उद्धव ठाकरे बुधवारी दुपारी १२ वाजता युतीची अधिकृत घोषणा करतील. त्याआधी दोघे भाऊ दादरच्या शिवाजी पार्कमधील बाळासाहेब ठाकरे यांच्या स्मृतीस्थळाला अभिवादन करतील.

 

 

ठाकरे गटाने मनसेसाठी साधारण ६०-७० जागा राखून ठेवल्या आहेत, तर स्वतःच्या उमेदवारीसाठी १४०-१५० जागा लढवण्याची तयारी आहे. राष्ट्रवादी काँग्रेस युतीत सामील झाल्यास १५-२० जागा ठाकरे गटाच्या कोट्यातून देण्याची शक्यता आहे. युतीची घोषणा मुंबईतील ब्ल्यू सी हॉटेलमध्ये होणार असून, २०१९ मधील विधानसभा निवडणुकीत शिवसेना-भाजपा युतीची घोषणा देखील याच ठिकाणी झाली होती.