महापौर निवडणुकीपूर्वी आपचे दोन नगरसेवक भाजपमध्ये!

Two AAP corporators join BJP चंदीगडच्या महापौरपदाच्या निवडणुकीपूर्वी आम आदमी पक्षाला मोठा धक्का बसला आहे. आगामी महिन्यात होणाऱ्या महापौर निवडणुकीपूर्वी दोन महिला नगरसेवक सुमन देवी आणि पूनम देवी भाजपमध्ये सामील झाल्या आहेत. महापौरपदाच्या निवडणुका जानेवारीत होणार असून, अमित शहा यांच्या पंचकुला दौऱ्यादरम्यान त्यांना भेटण्याचीही शक्यता आहे, अशी चर्चा आहे.

 

 

सध्या चंदीगडच्या महापौरपदी भाजपच्या हरप्रीत कौर बबला आहेत. क्रॉस व्होटिंगमुळे भाजपने ही निवडणूक जिंकली होती, त्यावेळी काँग्रेस आणि आम आदमी पक्षाने युती करून महापौरपदासाठी उमेदवारी लढवली होती. चंदीगडच्या स्थानिक राजकारणात दोन नगरसेवकांचे पक्षांतर मोठ्या घडामोडींपैकी एक म्हणून पाहिले जात आहे.

यादरम्यान, २०२४ मध्ये सर्वोच्च न्यायालयाने आम आदमी पक्षाचे कुलदीप कुमार यांना चंदीगड महानगरपालिकेचे महापौर म्हणून घोषित केले होते. सुरुवातीला भाजप उमेदवार विजयी घोषित करण्यात आला होता, परंतु या निकालाला उलटवण्यात आला. गेल्या वर्षी २० फेब्रुवारी रोजी महापौर निवडणूक अध्यक्ष अनिल मसीह यांनी आप-काँग्रेस युतीच्या आठ मतपत्रिका अवैध ठरवताना कॅमेऱ्यासमोर निर्णय जाहीर केला, ज्यामुळे वाद निर्माण झाला होता.