ठाकरे-मनसे युतीच्या दुसऱ्याच माजी महापौरांचा भाजप प्रवेश!

Former Nashik mayor joins BJP नाशिकमध्ये ठाकरे गटाचे माजी महापौर विनायक पांडे, यतीन वाघ आणि काँग्रेसचे नगरसेवक शाहू खैरे आज भाजपमध्ये प्रवेश करणार आहेत. हा पक्षप्रवेश मंत्री गिरीश महाजन यांच्या उपस्थितीत होणार आहे. मात्र भाजप आमदार देवयानी फरांदे यांनी या प्रवेशाला खुला विरोध दर्शवला आहे. फरांदेंनी सोशल मीडियावर पोस्ट करत म्हटले की, प्रभाग क्रमांक १३ मध्ये आज होणाऱ्या प्रवेशाला त्यांचा स्पष्ट विरोध आहे आणि स्थानिक हिंदुत्ववादी कार्यकर्त्यांना त्यांचा पूर्ण पाठिंबा आहे.

 

 

 

ठाकरे बंधूंच्या मनसे-शिवसेना युतीनंतर भाजपने नाशिकमध्ये मोठा राजकीय बदल घडवून आणला आहे. विनायक पांडे यांनी या युतीनंतर भाजपमध्ये प्रवेश करण्याचे ठरवले कारण मागच्या निवडणुकीत त्यांच्या मुलाचे तिकीट कापले गेले होते. आता त्यांनी आपल्या सून अदिती पांडेला भाजपकडून उमेदवार केले आहे. तसेच यतीन वाघ आणि शाहू खैरे देखील प्रभाग तेरा मधून भाजप प्रवेश करणार आहेत.

 

स्थानीय भाजप पदाधिकारी आणि इच्छुक उमेदवार यांच्यात काही नाराजी निर्माण झाली असून, देवयानी फरांदे यांनी देखील प्रवेशाला विरोध दर्शवला आहे. भाजपच्या नेतृत्वाने प्रभाग १३ मधील प्रवेशावर नियंत्रण मिळवण्यासाठी प्रयत्न सुरू ठेवले आहेत. विनायक पांडे यांनी स्पष्ट केले की, ठाकरे गटावर नाराजी नसून, स्थानिक नेत्यांकडून डावलल्यामुळे त्यांनी हा निर्णय घेतला आहे आणि आता संपूर्ण पॅनल तयार आहे, ज्याला निवडणुकीत उमेदवारी मिळणार आहे. यामुळे नाशिकमध्ये भाजपच्या अंतर्गत राजकारणात खदखद सुरू झाली असून, प्रभाग तेरा मधील राजकीय गतिरोधावर सर्वांचे लक्ष लागले आहे.