जपान मधील एक्सप्रेस वेवर ५० हून अधिक वाहनांची टक्कर,

japan expressway accident जपानमध्ये शुक्रवारी रात्री उशिरा बर्फाळ हवामानात एक्सप्रेस वेवर एक भीषण रस्ता अपघात झाला. एक्सप्रेस वेवर दोन ट्रकची टक्कर झाल्यानंतर ५० हून अधिक वाहनांची टक्कर झाली. या अपघातात एकाचा मृत्यू झाला आणि २६ जण जखमी झाले.

 

 

 

गुन्मा प्रीफेक्चर हायवे पोलिसांनी शनिवारी सांगितले की टोकियोच्या वायव्येस सुमारे १६० किलोमीटर (१०० मैल) अंतरावर असलेल्या मिनाकामी शहरात कान-एत्सु एक्सप्रेस वेवर दोन ट्रकची टक्कर झाल्यानंतर सुमारे ५० वाहनांची टक्कर झाली.

या अपघातात टोकियो येथील ७७ वर्षीय महिलेचा मृत्यू झाल्याचे पोलिसांनी सांगितले. जखमी झालेल्या २६ पैकी पाच जणांची प्रकृती गंभीर आहे. पोलिसांनी सांगितले की, या धडकेमुळे एक्सप्रेसवेचा काही भाग बंद झाला होता आणि बर्फाळ पृष्ठभागामुळे मागून येणाऱ्या वाहनांना वेळेवर ब्रेक लावता आले नाहीत. परिणामी, ५० हून अधिक वाहने एकमेकांवर आदळली.

पोलिसांनी सांगितले की, या धडकेमुळे डझनभराहून अधिक वाहनांना आग लागली, तर काही पूर्णपणे आगीच्या भक्ष्यस्थानी पडल्या. सुमारे सात तासांनंतर आग आटोक्यात आणण्यात आली.japan expressway accident वाहनांमधील सर्व सामान जळून खाक झाले.