86 वर्षीय 'महिला शेतकरी' भारी पडली 'कंगनावर' काय आहे प्रकरण वाचा?

Kangana Ranaut controversy पंजाबमधील भटिंडा येथील 86 वर्षीय महिला शेतकरी महिंदर कौर ही चार वर्षांपासून भाजपा खासदार कंगना राणावतविरुद्ध न्यायालयीन लढाई लढत आहेत. ही लढाई 2020 मध्ये दिल्लीतील शेतकरी आंदोलनाच्या काळात सुरू झाली होती, जेव्हा कंगनाने काही महिला शेतकऱ्यांबद्दल ट्विट करत त्यांना “100-100 रुपयांच्या रोजंदारीवर येणाऱ्या महिला” असे संबोधले होते. या वक्तव्याने महिंदर कौरसह अनेक महिला शेतकऱ्यांना अत्यंत दुखवले.

 

 

 

महिंदर कौरने 2021 मध्ये कंगनाविरुद्ध खटला दाखल केला. चार वर्षे उलटून गेली तरीही, महिंदर कौर आपल्या स्वाभिमानाच्या या लढाईत मागे हटण्यास तयार नाहीत. या काळात त्यांच्यावर आर्थिक ताणही वाढला आहे; कर्जाच्या ओझ्याखाली त्यांची परिस्थिती आली असून, सात लाखांहून अधिक कर्ज त्यांनी उचलले आहे. तरीही, त्यांनी न्यायासाठी सुरू असलेल्या लढाईत माघार घेण्याचा विचार केला नाही.दुसरीकडे, कंगना राणावत या खटल्यात चार वर्षांत एकदाही न्यायालयात हजर झाल्या नाहीत, फक्त नोटिसा व पत्र पाठवण्यात आले आहेत. यामुळे प्रकरण अधिकच लक्षवेधी बनले आहे. न्यायालयीन प्रक्रिया सातत्याने चालू असून, या प्रकरणाची पुढील सुनावणी पाच जानेवारीला होणार आहे.

 

 

विशेषज्ञांचे म्हणणे Kangana Ranaut controversy आहे की, महिंदर कौर यांचे प्रकरण केवळ वैयक्तिक स्वाभिमानाचे नाही, तर महिला शेतकऱ्यांच्या हक्कांचे आणि समाजातील समानतेच्या प्रश्नांचे प्रतीक बनले आहे. शेतकरी आंदोलनाच्या पार्श्वभूमीवर, कंगनाच्या वक्तव्याने निर्माण केलेल्या वादामुळे समाजात महिला हक्क, राजकीय प्रभाव आणि व्यक्तीगत जबाबदारी या विषयांवर चर्चा पुन्हा सुरू झाली आहे.महिंदर कौरची लढाई ही अशा व्यक्तींना प्रेरणा देणारी ठरत आहे जे न्यायासाठी, स्वाभिमानासाठी आणि हक्कांसाठी संघर्ष करतात, असा मानला जातो. त्यांच्या संघर्षाची दिशा, पुढील सुनावणीत न्यायालय काय निर्णय देतो, हे समाजाचे लक्ष लागून राहिले आहे.