भारतीयांना नोकऱ्या देऊ नका... कट्टरपंथी इन्कलाब मंच बांगलादेशात आगीत ओतले तेल

हादीच्या हत्येत थेट सहभागी असलेले, हत्येचा कट रचणारे किंवा त्याला मदत करणारे सर्व आरोपी २४ दिवसांच्या आत अटक करून त्यांना न्यायालयासमोर उभे करण्यात यावे.

बांगलादेशची स्वातंत्र्य आणि सार्वभौमता अबाधित ठेवण्यासाठी बांगलादेशात कार्यरत असलेल्या भारतीय नागरिकांचे वर्क परमिट रद्द करण्यात यावे.

जर भारताने हसीना यांना प्रत्यार्पित केले नाही किंवा त्यांना बांगलादेशच्या ताब्यात दिले नाही, तर भारताविरोधात आंतरराष्ट्रीय न्यायालयात (इंटरनॅशनल कोर्ट ऑफ जस्टीस) दावा दाखल करण्यात यावा.

हादीच्या हत्येबाबत बांगलादेशातील सर्व गुप्तचर यंत्रणा आणि पोलिस विभाग वेगवेगळी विधाने करत असून जनतेची दिशाभूल करण्याचा प्रयत्न करत आहेत, असा आरोप करण्यात आला आहे. सरकारने अशा अधिकाऱ्यांची ओळख पटवून त्यांना सेवेतून बडतर्फ करावे आणि न्यायाच्या कक्षेत आणावे, अशी मागणी करण्यात आली आहे. तसेच नागरी, लष्करी आणि गुप्तचर क्षेत्रात अवामी लीगशी संबंधित असलेल्या व्यक्तींनाही जबाबदार धरून त्यांच्यावर कारवाई करावी, असेही स्पष्ट करण्यात आले आहे.