आर्थिक संकटात सापडलेल्या पाकिस्तानला पुन्हा सौदीचा आधार; अब्जावधींची मदत

saudi-arabia-supports-pakistan पाकिस्तानची आर्थिक घसरण थांबवण्यासाठी सौदी अरेबियाने पुन्हा एकदा मदतीचा हात पुढे केला आहे. परकीय चलनसाठ्यातील तुटवडा आणि तरलतेच्या अडचणी वाढत असताना, सौदीने पाकिस्तानच्या स्टेट बँक ऑफ पाकिस्तानमध्ये ठेवलेल्या तीन अब्ज डॉलर्सच्या ठेवीची मुदत आणखी एका वर्षासाठी वाढवण्याचा निर्णय घेतला आहे. या निर्णयामुळे पाकिस्तानचा चलनसाठा स्थिर राहण्यास हातभार लागणार असून आर्थिक गती पुन्हा मिळवण्यास मदत होईल.

 

 

सौदी फंड फॉर डेव्हलपमेंटमार्फत देण्यात आलेली ही आर्थिक सुविधा 2021 पासून सुरू असून पाकिस्तानच्या अर्थव्यवस्थेला आधार देण्यासाठी वेळोवेळी वाढवण्यात आली आहे. मूळतः ही ठेव 8 डिसेंबर 2025 ला परत मिळणार होती, मात्र आता तिची मुदत डिसेंबर 2026 पर्यंत वाढवण्यात आली आहे. saudi-arabia-supports-pakistan स्टेट बँक ऑफ पाकिस्तानने याची पुष्टी करताना सांगितले की, सौदी अरेबियाच्या या निर्णयामुळे देशाच्या परकीय चलनसाठ्यात बळकटी येईल आणि आर्थिक विकासाला चालना मिळेल. पाकिस्तानी अधिकाऱ्यांच्या मते, ही मदत मिळाल्याने आंतरराष्ट्रीय नाणेनिधीने (IMF) ठरवलेल्या काही महत्त्वाच्या आर्थिक निकषांची पूर्तता करणे पाकिस्तानसाठी अधिक सुलभ होणार आहे.