वनडे वर्ल्डकपवरून गंभीरची तीव्र प्रतिक्रिया; म्हणाला— अजून दोन वर्षे आहेत आणि…

gambhirs-on-odi-world-cup दक्षिण आफ्रिकेविरुद्धची वनडे मालिका २-१ ने जिंकून भारताने दमदार कामगिरी केली असली तरी, सामन्यानंतर झालेल्या पत्रकार परिषदेत गौतम गंभीरचा सूर मात्र स्पष्टपणे कडक दिसला. विशेषत: २०२७ मध्ये होणाऱ्या वनडे विश्वचषकाच्या संघरचनेबाबत विचारलेल्या प्रश्नांवर त्यानी संयत पण ठाम भूमिका मांडली. त्यानी काहीही थेट सांगितले नसले तरी त्यांच्या उत्तरांमधून पुढील दोन वर्षांसाठी ते काय विचार करत आहेत याचे संकेत मिळाले.

 

 

काही माध्यमांमध्ये असा अंदाज व्यक्त केला जात आहे की भविष्यातील संघात रोहित शर्मा आणि विराट कोहली यांचा समावेश असेलच याची शाश्वती नाही. मात्र दोघांनीही दक्षिण आफ्रिकेविरुद्धच्या मालिकेत प्रभावी फलंदाजी करून स्वतःची उपस्थिती ठळकपणे जाणवून दिली आहे. या मालिकेत दोन युवा खेळाडूंनी जोरदार छाप पाडली. रायपूरमध्ये दुसऱ्या सामन्यात रुतुराज गायकवाडने शतक ठोकले, तर निर्णायक सामन्यात विशाखापट्टणममध्ये यशस्वीने भव्य शतक नोंदवले. त्यामुळे २०२७ च्या विश्वचषकाच्या निमित्ताने युवा खेळाडूंच्या संधींचा प्रश्न समोर आला. या संदर्भात विचारले असता गंभीर म्हणाला की, विश्वचषक अजून दोन वर्षे दूर आहे आणि सध्या महत्त्वाचे म्हणजे ‘आताच्या क्षणावर’ लक्ष ठेवणे. gambhirs-on-odi-world-cup युवा खेळाडूंना मिळालेल्या संधींचा ते कसा वापर करतात, हेच त्यांच्या भवितव्याला दिशा देणारे ठरेल, असे त्यानी नमूद केले. गंभीरने सांगितले की, गायकवाडने आपल्या नैसर्गिक जागेबाहेर जाऊनही अप्रतिम खेळ केला. इंडिया-ए सामन्यांमध्ये तो उत्तम फॉर्ममध्ये असल्यामुळे त्याला संधी देण्यात आली आणि त्यानी त्याचा सुंदर उपयोग केला. यशस्वीबाबत बोलताना गंभीर म्हणाला की, लाल चेंडूतील त्यांची क्षमता सर्वांनाच माहीत आहे आणि आता पांढऱ्या चेंडूतही त्यानी आपली गुणवत्ता दाखवून दिली आहे. दोघांचाही पुढील प्रवास अत्यंत मोठा आणि आशादायी असल्याचे त्यांनी स्पष्ट केले. अखेरीस गंभीरांचा संदेश एकच — भविष्य उज्ज्वल असले तरी, त्याचा पाया वर्तमानातील कामगिरीवरच उभा राहतो.