शुभंकर व्दारे रस्ते सुरक्षा जनजागृती प्रभावीपणे होणार

devendra-fadnavis : रस्ते सुरक्षा, शिस्त आणि वाहतुकीच्या नियमांची जाणीव लोकांमध्ये निर्माण करण्यासाठी परिवहन विभागाने शुभंकर ‘झेब्रु’ च्या माध्यमातून जनजागृती करण्याचे ठरविले आहे. झेब्रा या प्राण्याच्या पट्ट्यांपासून प्रेरणा घेऊन तयार करण्यात आलेला हा ‘झेब्रु’ सुरक्षेचे काम करणार असल्याने रस्ता सुरक्षित ठेवणे सामूहिक जबाबदारी झाली आहे. ‘रस्ता सुरक्षा जनजागृती दूत म्हणून ‘झेब्रु’ व्दारे जनजागृती अधिक प्रभावीपणे होईल, असा विश्वास मुख्यमंत्री देवेंद्र फडणवीस यांनी व्यक्त केला.

 

 

 

 

विधानभवनमधील कॅबिनेट हॉलमध्ये आयोजित कार्यक्रमात मुख्यमंत्री देवेंद्र फडणवीस यांच्या हस्ते ‘झेब्रु’ शुभंकरचे अनावरण करण्यात आले. यावेळी प्रमुख पाहुणे म्हणून एकनाथ शिंदे, उपमुख्यमंत्री अजित पवार, परिवहनमंत्री प्रताप सरनाईक, महसूलमंत्री चंद्रशेखर बावनकुळे, शालेय शिक्षण मंत्री दादा भुसे, सार्वजनिक आरोग्य व कुटुंब कल्याण मंत्री प्रकाश आबिटकर, सार्वजनिक बांधकाम मंत्री शिवेंद्रसिंहराजे भोसले, राज्यमंत्री (परिवहन) माधुरी मिसाळ तसेच परिवहन व बंदरे विभाग, अपर मुख्य सचिव संजय सेठी, परिवहन आयुक्त विवेक भिमनवार उपस्थित होते.

 

 

 

महाराष्ट्र राज्याचा अधिकृत रस्ता सुरक्षा जनजागृती दूत म्हणून झेब्रु हा काम करणार आहे. विशेषतः पादचारी सुरक्षा, झेब्रा क्रॉसिंगचा वापर, हेल्मेट व सीट बेल्ट, वेगमर्यादा पाळणे, शिस्त राखणे, पादचार्‍यांना प्राधान्य देणे आणि जबाबदारीने वाहन चालवणे या सारख्या मूलभूत नियमांवर झेब्रु प्रभावीपणे संवाद साधणार असल्याची माहिती यावेळी परिवहन देण्यात आली.

 

 

 

समाजात जागरूकता निर्माण करण्याचा उद्देश या संकल्पनेमागे आहे. वाढत्या लोकसंख्येबरोबर महाराष्ट्रात वाहन संख्या देखील वाढत आहे. त्यात मागील काही काळात वाढलेल्या अपघातांची प्रमुख कारणे म्हणजे वाहतूक नियमांचे उल्लंघन होय. ‘झेब्रु’ हा वाहनचालकांचे लक्ष वेधून घेऊन वाहनचालकांना नियमांचे पालन करण्याचे महत्त्व पटवून आहे.

 

 

रस्ता सुरक्षा उपक्रमांना नवे आयाम देण्यासाठी ‘झेब्रु’ हा शुभंकर तयार करण्यात आला आहे. शाळांमध्ये, महाविद्यालयांमध्ये, सार्वजनिक कार्यक्रमांमध्ये आणि डिजिटल माध्यमांतून ‘झेब्रु’ नागरिकांशी थेट संवाद साधणार असल्याचे परिवहनमंत्री प्रताप सरनाईक यांनी सांगितले.