नागपुरात स्फोट, २ मजूर ठार!

Explosion in Nagpur जिल्ह्यातील कळमेश्वर तालुक्यातील डाेरली गावापासून जवळच काेतवालबड्डी परिसरात आज एका बारूद कंपनीत स्फोट झाला आहे. या दुर्दैवी घटनेसंदर्भात मिळालेल्या प्राथमिक माहितीनुसार, स्फोटात २ कामगारांचा मृत्यू झाला आहे. शिवाय, अनेक जण जखमी झाले असून नजिकच्या जंगल परिसरातही आग लागल्याची घटना घडली आहे.

 

 

 

स्फोटाची तीव्रता इतकी जास्त हाेती की, काही किलाेमीटरपर्यंत स्फोटीचे हादरे जाणवल्याचे नागरिक सांगत आहेत. स्फोटाची तीव्रता बघता मृतांचा आकडा वाढण्याची भिती वर्तविण्यात येत आहे. आजूबाजूच्या गावखेड्यातील नागरिकांनी घटनास्थळी एकच गर्दी केली असून नागरिकांमध्ये दहशतीचे वातावरण आहे. Explosion in Nagpur फटाक्यात भरल्या जाणारी बारूद बनविण्याचा हा कारखाना आहे. जिल्हा पाेलिस अधिक्षक हर्ष पाेद्दार यांच्यासह पाेलिस पथक, अग्निशमन दलाच्या गाड्या, रुग्णवाहीका आणि फॉरेन्सिक विभागाचे अधिकारी तातडीने घटनास्थळी दाखल झाल्याची माहिती आहे. मुनिश मडावी (वय ३४, रा. मंडला, मध्यप्रदेश) आणि भुरा लक्ष्मण रजक (वय २५, रा. सिवनी, मध्यप्रदेश) अशी मृतक मजुरांची तर घनश्‍याम लोखंडे, सोहेल शेख अशी जखमींची नावे आहेत. पोलिसांनी दिलेल्या माहितीनुसार, एशियन फायरवर्क्स ॲण्ड एक्सप्लोसिव्ह कंपनीमध्ये फटाके तयार केल्या जातात. या कंपनीत जवळापास ३१ मजूर काम करतात. आज दुपारच्या ब्लोवर मध्ये ब्लास्ट बुरुड कोळसा पावडर गरम करत असताना अचानक कंपनीमध्ये ब्लास्ट झाला.