हसनच्या शतकीय खेळीच्या जोरावर पाकिस्तानने रचला इतिहास!

NZ vs PAK : न्यूझीलंड आणि पाकिस्तान यांच्यातील पाच सामन्यांच्या टी-२० मालिकेतील तिसरा सामना २१ मार्च रोजी ऑकलंडमधील ईडन पार्क येथे खेळवण्यात आला. या सामन्यात प्रथम फलंदाजी करताना न्यूझीलंडचा संघ १९ षटकांत २०४ धावा करून सर्वबाद झाला. प्रत्युत्तरात, पाकिस्तानने २०५ धावांचे लक्ष्य केवळ १६ षटकांत पूर्ण केले. टी२० मध्ये पाकिस्तानचा हा दुसरा सर्वाधिक धावांचा पाठलाग आहे. यापूर्वी, पाकिस्तानने २०२१ मध्ये या फॉरमॅटमध्ये सर्वाधिक धावसंख्या गाठली होती.

 

 

 

 

२०२१ मध्ये पाकिस्तानने वेस्ट इंडिजविरुद्ध २०८ धावांचे लक्ष्य गाठले. आज, २१ मार्च रोजी खेळल्या गेलेल्या सामन्यात, पाकिस्तानने न्यूझीलंडविरुद्ध १ विकेट गमावून २०७ धावा केल्या. त्याच वेळी, पाकिस्तानने २०२१ मध्येच दक्षिण आफ्रिकेविरुद्ध २०५ धावा केल्या. टी२० मध्ये पाकिस्तानचा हा तिसरा सर्वाधिक यशस्वी धावांचा पाठलाग आहे.

 

 

वेस्ट इंडिज, २०२१ - २०८/३

न्यूझीलंड, २०२५ - २०७/१

दक्षिण आफ्रिका, २०२१ - २०५/१

दक्षिण आफ्रिका, २०२ – १८९/६

ऑस्ट्रेलिया, २०१८ - १८७/४

भारत, २०२२ - १८२/५

 

 

आजच्या सामन्यात पाकिस्तानचा सर्वात मोठा हिरो हसन नवाज होता. या सामन्यात त्याने फक्त ४४ चेंडूत शतक ठोकून इतिहास रचला. या शतकी खेळीमुळे पाकिस्तानने इतके मोठे लक्ष्य अगदी सहजपणे गाठले. यासह, हसन नवाज टी-२० आंतरराष्ट्रीय क्रिकेटमध्ये सर्वात जलद शतक करणारा पाकिस्तानचा पहिला फलंदाज बनला आहे. यापूर्वी पाकिस्तानकडून टी-२० मध्ये सर्वात जलद शतक ठोकण्याचा विक्रम बाबर आझमच्या नावावर होता. त्याने दक्षिण आफ्रिकेविरुद्ध टी-२० आंतरराष्ट्रीय क्रिकेटमध्ये ४९ चेंडूत शतक झळकावले होते, पण आता हा विक्रम हसन नवाजच्या नावावर आहे. हसन नवाजने २२ वर्षे आणि २१२ दिवसांच्या वयात टी-२० आंतरराष्ट्रीय क्रिकेटमध्ये शतक झळकावले आहे आणि तो टी-२० मध्ये शतक झळकावणारा पाकिस्तानचा सर्वात तरुण फलंदाजही बनला आहे.