BCCI ने बांगलादेश मालिकेचे वेळापत्रक केले जाहीर

India vs Bangladesh : ऑगस्टमध्ये होणाऱ्या बांगलादेश दौऱ्यात भारतीय क्रिकेट संघ ३ एकदिवसीय आणि तितक्याच टी-२० सामन्यांची मालिका खेळणार आहे. या दौऱ्याची सुरुवात एकदिवसीय मालिकेने होईल, पहिला सामना १७ ऑगस्ट रोजी खेळला जाईल. टी-२० मालिका २६ ऑगस्टपासून सुरू होईल. बीसीसीआय (भारतीय क्रिकेट नियामक मंडळ) ने मंगळवारी संपूर्ण वेळापत्रक जाहीर केले.

 

 

 

 

एकदिवसीय मालिकेतील पहिला सामना १७ ऑगस्ट रोजी मीरपूर येथील शेर-ए-बांगला राष्ट्रीय क्रिकेट स्टेडियमवर खेळला जाईल. दुसरा एकदिवसीय सामना २० ऑगस्ट रोजी या मैदानावर खेळला जाईल. तिसरा सामना २३ ऑगस्ट रोजी चितगाव येथे खेळला जाईल.

 

एकदिवसीय मालिकेनंतर, टीम इंडिया सूर्यकुमार यादवच्या नेतृत्वाखाली बांगलादेशविरुद्ध ३ सामन्यांची टी-२० मालिका खेळेल. पहिला सामना मंगळवार, २६ ऑगस्ट रोजी चितगाव येथे खेळला जाईल. दुसरा टी-२० सामना शुक्रवार, २९ ऑगस्ट रोजी मीरपूर येथील शेर-ए-बांगलादेश स्टेडियमवर खेळला जाईल. अंतिम सामनाही मीरपूरमध्येच खेळला जाईल.

 

 

१७ ऑगस्ट – एसबीएनसीएस, मीरपूर

२० ऑगस्ट - एसबीएनसीएस, मीरपूर

२३ ऑगस्ट - बीएसएसएफएलएमआरसीएस, चट्टोग्राम

 

 

 

२६ ऑगस्ट - बीएसएसएफएलएमआरसीएस, चट्टोग्राम

 २९ ऑगस्ट - एसबीएनसीएस, मीरपूर

३१ ऑगस्ट- एसबीएनसीएस, मीरपूर

 

 

 

 

 

 

भारतीय क्रिकेट संघाने शेवटचा बांगलादेशमध्ये २०२२/२३ मध्ये एकदिवसीय मालिका खेळली होती, तेव्हा बांगलादेशने भारताविरुद्ध २-१ असा मालिका जिंकली होती. रोहित शर्माच्या नेतृत्वाखाली भारताने मालिकेतील पहिले दोन्ही सामने गमावले होते. टी-२० मालिकेबद्दल बोलायचे झाले तर, भारतीय क्रिकेट संघाने आतापर्यंत खेळलेल्या दोन्ही मालिका जिंकल्या आहेत.

 

सध्या सर्व भारतीय खेळाडू आयपीएल २०२५ मध्ये वेगवेगळ्या संघांकडून खेळत आहेत. या लीगनंतर लगेचच भारतीय क्रिकेट संघ इंग्लंडला रवाना होईल, जिथे २० जूनपासून ५ सामन्यांची कसोटी मालिका खेळली जाईल. मालिकेतील शेवटचा कसोटी सामना ३१ जुलै ते ४ ऑगस्ट दरम्यान खेळला जाईल.