अज्ञात वाहनाच्या धडकेत पत्नी ठार, पती व मुलगा गंभीर जखमी

accident news : अज्ञात वाहनाने दुचाकीला दिलेल्या धडकेत पत्नीचा जागीच मृत्यू झाला तर पती व मुलगा गंभीर जखमी झाल्याची घटना रविवार, 20 एप्रिल रोजी 4 च्या दरम्यान राष्ट्रीय महामार्ग क्रमांक 44 वरील मंगी फाट्यासमोर घडली. संतोषी किसन तोडसाम (वय 50, पळसकुंड) असे अपघातातील मृत महिलेचे नाव आहे. तर पती किसन तोडसाम (वय 55) व मुलगा जय तोडसाम (वय 28, पळसकुंड) अशी अपघातातील जखमींचे नावे आहेत.

 

 

 

हा अपघात इतका भीषण होता की महिलेचा डोक्याचा पूर्ण भाग थेट धडापासून वेगळा झाला होता. याप्रकरणी वडकी पोलिस ठाण्यात अज्ञात वाहनचालकावर गुन्हा दाखल करण्यात आला आहे. किसन तोडसाम व त्यांची पत्नी संतोषी तोडसाम व मुलगा जय तोडसाम हे तिघेही आपल्या दुचाकी क्र. एमएच29 सीजी3576 ने एकुर्ली येथील बळवंत नेहारे यांच्या मुलीच्या समारंभाला बोरी इचोड येथील उरकुडे मंगल कार्यालयात आले होते.

 

 

दुपारी लग्नसमारंभ आटोपून ते तिघेही पळसकुंड येथे परत निघाले होते. दरम्यान राष्ट्रीय महामार्ग क्र. 44 वरून जात असता मंगी फाट्यासमोर समोरून येणाèया एका अज्ञात वाहनाने तोडसाम यांच्या दुचाकीला जोरदार धडक दिली. या धडकेत संतोषी तोडसाम यांच्या डोक्याचा पूर्ण भाग धडापासून वेगळा झाल्याने त्यांचा जागीच मृत्यू झाला. तर पती किसन व मुलगा जय यांच्या पायाला गंभीर मार लागला.

 

 

घटनास्थळी राष्ट्रीय महामार्गाचे कर्मचारी व वडकी पोलिस कर्मचारी दीपक वांड्रसवार, रमेश आत्राम, संदीप मडावी घटनास्थळी दाखल होऊन अपघातातील जखमींना उपचारार्थ करंजी ग्रामीण रुग्णालयात दाखल केले. या घटनेचा अधिक तपास वडकी पोलिस करीत आहेत.