नीट परीक्षेमुळे LLB सीईटीच्या तारखांमध्ये बदल

Law 2025 Exam महाराष्ट्र राज्य सामायिक प्रवेश परीक्षा (CET) संदर्भात एक महत्त्वाची बातमी आहे. विधी (Law) अभ्यासक्रमाच्या ३ वर्षांच्या CET परीक्षांच्या तारखा बदलल्या आहेत. या परीक्षा आता २ आणि ३ मे २०२५ रोजी होणार आहेत. NEET परीक्षा आणि इतर परीक्षांमुळे काही परीक्षा केंद्रे उपलब्ध नसल्याने हा निर्णय घेण्यात आला आहे.

 

 

 

राष्ट्रीय चाचणी संस्थेने (NTA) काही परीक्षा केंद्रे NEET परीक्षेसाठी आरक्षित केली आहेत. एनटीएने ०३/०५/२०२५ पासून काही जिल्हा परीक्षा केंद्रे या परीक्षेसाठी आरक्षित केली आहेत. जी सीईटी परीक्षेसाठी देखील आरक्षित (बुक) केली होती. त्यामुळे CET परीक्षांसाठी ती केंद्रे वापरता येणार नाहीत. मे २०२५ मध्ये विद्यापीठाच्या परीक्षा पण आहेत. त्यामुळे CET परीक्षा पुढे ढकलणे शक्य नाही, अशी माहिती सीईटी सेलकडून देण्यात आली आहे.

CET परीक्षा पुढे ढकलल्यास प्रवेश प्रक्रियेला उशीर होऊ शकतो. सीईटी परीक्षेच्या तारखा पुढे ढकलल्यास, केंद्रीभूत प्रवेश प्रक्रियेला विलंब होऊ शकतो आणि त्यामुळे विधी महाविद्यालय उशिरा सुरु होऊ शकतात. यामुळे विद्यार्थ्यांचे नुकसान होऊ नये, यासाठी हा बदल करण्यात आला आहे.

Notice regarding change of LLB 3 Yrs CET 2025 examination dates: लॉ सीईटी परीक्षांची तारीख बदलेली आहे, त्या परीक्षांच्या नवीन तारखा खालील पीडीएफमध्ये आहेत-https://cetcell.mahacet.org/wp-content/uploads/2023/12/Notice-_-LLB-3-Yrs-CET-2025-Revised-Dates.pdfकाही जिल्ह्यांमध्ये विधी अभ्यासक्रमाच्या ३ वर्षांच्या CET साठी खूप जास्त अर्ज आले आहेत. त्यामुळे जास्तीत जास्त विद्यार्थ्यांना त्यांच्या आवडीचे केंद्र मिळावे, यासाठी परीक्षा दोन दिवस घेण्याचा निर्णय घेण्यात आला आहे. विधी ३ वर्षांच्या सीईटी २०२५ परीक्षेसाठी बसणाऱ्या उमेदवारांची संख्या अती जास्त आहेत.