वाशीम जिल्ह्याचा दहावीचा निकाल ९५.४१ टक्के

स्थानिक राणी लक्ष्मीबाई कन्या शाळेने दरवर्षीप्रमाणे याही वर्षी उत्कृष्ट निकालाची परंपरा कायम ठेवली आहे. शाळेचा एकूण निकाल ९४.७३ टक्के लागला आहे.

विशेष म्हणजे प्रथम क्रमांकावर ऋतुजा माधव गोटे आणि राणी विजय वाघ या दोन्ही विद्यार्थिनींनी ९५.६० टक्के इतके गुण प्राप्त केले आहेत आणि शाळेतून प्रथम येण्याचा मान मिळविला आहे. तर द्वितीय क्रमांकावर भक्ती राजेश थेर या विद्यार्थिनीने ९४.८० टक्के गुण मिळविले आहे तसेच संचिता नारायण गोटे हिने ९४.४० टक्के गुण मिळवून शाळेतून तृतीय क्रमांक पटकावला आहे. शाळेतून विशेष प्राविण्य प्राप्त ६० च्या वर विद्यार्थिनी आहेत. तर मराठी माध्यमातून प्रथम क्रमांक ज्ञानेश्वरी केशव गोटे हिने ७३.८० टक्के गुण मिळविले आहेत. विद्यार्थिनींनी मिळवलेले भरघोस यश पाहून संस्थेचे अध्यक्ष अ‍ॅड. मधुकरराव अनसिंगकर, सचिव डॉ. प्रदीप फाटक, सहसचिव डॉ. सुनिता घुडे सदस्या विजया देशपांडे आणि संध्याताई देशमुख, शाळेच्या मुख्याध्यापिका संगिता गिरी आणि उपमुख्याध्यापक राजेश ढाकरके यांनी सर्व यशस्वी विद्यार्थिनींचे कौतुक केले. विद्यार्थिनिंना सुयोग्य मार्गदर्शन लाभले तसेच या सर्व यशस्वी विद्यार्थिनींचे शाळेचे सर्व शिक्षक शिक्षिका आणि शिक्षकेतर कर्मचारी यांनी अभिनंदन केले आहे.

५३ वर्षापूर्वी इंग्रजी शिक्षण देण्यासाठी सुरु झालेले छोटेसे रोपटे एसएमसी इंग्लिश स्कूल च्या भव्य इमारतीच्या वटवृक्षाच्या स्वरुपात डौलाने, उत्तुंग रुपात उभे आहे. हे कोणाच्याही नजरेतून सुटू शकत नाही. दरवर्षीप्रमाणे यंदाही एस एम सी इंग्लिश स्कूल च्या इतिहासात १० व्या वर्गाचा १०० टक्के निकाल लागला आहे.

 

 

 

 

 

२०२४-२५ च्या १० व्या वर्गाच्या परीक्षेला एसएमसी इंग्लिश स्कूल चे एकूण ६४ विद्यार्थी प्रविष्ठ झाले होते त्यापैकी ९० टक्केच्या वर १४ विद्यार्थी, विशेष प्राविण्यासह ३४ विद्यार्थी तर ११ विद्यार्थी प्रथम श्रेणीत उत्तीर्ण झाले आहेत. अर्जुन पवनकुमार खंडेलवाल या विद्यार्थ्याने ९५.६० टक्के घेऊन शाळेतून प्रथम येण्याचा मान पटकावला आहे. श्रेया संतोष पिसे, ऋतिका विशाल वाल्ले ९५.४० टक्के घेऊन द्वितीय तर सौम्या राजेश ग्यारल ९५.२० टक्के ही विद्यार्थीनी शाळे मधून तिसरी आली आहे. त्याचबरोबर ३२ विद्यार्थ्यांनी इंग्रजी विषयात विशेष प्राविण्यासह, ३१ विद्यार्थी मराठी विषयात विशेष प्राविण्यासह, ५२ विद्यार्थी हिंदी-संस्कृत विषयात विशेष प्राविण्यासह, ४४ विद्यार्थी गणित विषयात विशेष प्राविण्यासह, ५१ विद्यार्थी विज्ञान विषयात विशेष प्राविण्यासह आणि ४५ विद्यार्थी सामाजिक शास्त्र विषयात विशेष प्राविण्यासह उत्तीर्ण झाले आहे. संस्थेचे अध्यक्ष प्रा. हरिभाऊ क्षीरसागर आणि सचिव पुरुषोत्तमजी शर्मा सर्व संचालक आणि मुख्याध्यापिका मीना उबगडे, प्रणिता हरसुले यांनी सर्व शिक्षकांचे व विद्यार्थ्यांचे अभिनंदन केले आहे.