शिरपूर बस स्थानक परिसरात जुन्या इमारतीला आग

Shirpur Bus Stand येथील बसस्थानक परिसरात विजय धोंगडे यांच्या जुन्या लाकडी दुमजली इमारतीला अचानक आग लागून ५ दुकाने जळून खाक झाल्याची घटना शनिवारी सकाळी पाच वाजता घडली. या घटनेत लघुव्यवसायीकांचे २० लाखाचे नुकसान झाले. शिरपूर बसस्थानक परिसरात विजय धोंगडे परिवाराची जुनी लाकडी माळवदाची दुमजली इमारत आहे. या इमारती मध्ये छोटे छोटे कप्पे करून धोंगडे परिवारातील दोघासह इतर तीन जणांची दुकाने होती. या इमारतीला १७ मे शनिवार रोजी सकाळी पाच वाजता दरम्यान अचानक आग लागली. हॉटेल व्यवसायिकाचे असलेल्या दोन सिलेंडरचाही आगीमध्ये स्फोट झाल्याने बघता बघता आगीने मोठे रुद्र रूप धारण केले व संपूर्ण दुमजली इमारतीला भक्ष्य केले.

 

 

 

अग्निशमन दलाचे वाहन घटनास्थळी पोहोचेपर्यंत एकूण पाच लघु व्यवसायिकांचे २० लाखाचा वस्तू व शेतमाल इमारतीसह जळुन खाक झाला. अखेर मालेगाव नगरपंचायत च्या अग्नी दलाच्या वाहनाने आग विझविली. नैसर्गिक हवा घटनेवेळी पूर्णतः बंद असल्याने आग दुसरीकडे फैलू शकली नाही. अन्यथा याहून अधिक नुकसान झाले असते.Shirpur Bus Stand घटनेची माहिती मिळतात शिरपूर पोलीस स्टेशनचे सहाय्यक पोलिस निरीक्षक रवींद्र ताले, टाऊन जमादार संदीप निखाडे, पोलिस कर्मचारी हरिहर गावंडे, ब्राह्मण, वीज वितरणचे कर्मचारी विष्णू जहिरव हे घटनास्थळी तात्काळ दाखल झाले. घटनेचा पंचनामा तलाठी जे. एन. साठे, गणेश गवळी यांनी केला.