चंद्रपुरात वाघाच्या हल्ल्यात दोन ठार

दरम्यान, नागभीड तालुक्यात वाढोणा येथे तेंदूपत्ता संकलनाचे काम मोठ्या प्रमाणात सुरू आहे. मारोती शेंडे हे पत्नी कमल व इतर गावकर्‍यांसह रविवारी सकाळी तेंदूपत्ता तोडण्यासाठी आलेवाही बीटातील वाढोणाच्या नियत क्षेत्रात गेले होते. दरम्यान वाघाने त्यांच्यावर अचानक हल्ला करून गंभीर जखमी गेले. ही घटना लक्षात येताच पत्नी व त्यांच्यासोबत असलेल्या इतर गावकर्‍यांनी आरडाओरड केल्याने वाघाने आवळगावच्या झूडपी परिसराच्या दिशेने धूम ठोकली. tiger attack in Chandrapur घटनेची माहिती कळताच वनविभागाचे अधिकारी तातडीने घटनास्थळी दाखल झाले. मारोती शेंडे यांना वाढोणा येथील प्राथमिक आरोग्य केंद्रात त्यानंतर सिंदेवाही येथील ग्रामीण रुग्णालयात दाखल करण्यात आले. मात्र उपचारादरम्यान त्यांचा मृत्यू झाला. नागभीड तालुक्यात वन्यप्राण्यांची संख्या वाढत असल्याने अशा घटना वारंवार घडत आहेत. या घटनेमुळे वाढोणा परिसरात भीतीचे वातावरण असून, वाघाचा बंदोबस्त करण्यात यावा, अशी मागणी गावकर्‍यांनी केली आहे.