सामूहिक बलात्कार प्रकरणात जामीन मिळाल्यानंतर आरोपीनी काढली मिरवणूक

Haveri Gang Rape Case कर्नाटकातील हावेरी जिल्ह्यातील अक्की अलूर शहरात २०२४ मध्ये झालेल्या बहुचर्चित सामूहिक बलात्कार प्रकरणात जामिनावर सुटलेल्या सात आरोपींनी रस्त्यावर मोटारसायकल आणि कारची रॅली काढून उघडपणे आनंद साजरा केला. रॅलीदरम्यान आरोपी ढोल, डीजे संगीताच्या तालावर आणि 'विजयी पोझ'मध्ये नाचत असल्याचा व्हिडिओ समोर आल्यानंतर सोशल मीडियावर मोठ्या प्रमाणात संताप व्यक्त करण्यात आला.

 

 

८ जानेवारी २०२४ रोजी हावेरीच्या हंगल भागात एका खाजगी हॉटेलमध्ये राहणाऱ्या एका आंतरधर्मीय जोडप्यावर हल्ला झाला. पोलिसांच्या अहवालानुसार, काही लोक हॉटेलमध्ये घुसले, त्यांनी २६ वर्षीय महिलेला जबरदस्तीने बाहेर काढले आणि जवळच्या जंगलात नेले आणि तिच्यावर सामूहिक बलात्कार केला. महिलेच्या जबाबाच्या आधारे पोलिसांनी सामूहिक बलात्काराचे आरोप जोडले होते. या प्रकरणात एकूण १९ जणांना अटक करण्यात आली होती, त्यापैकी १२ जणांना सुमारे १० महिन्यांपूर्वी जामीन मिळाला होता. Haveri Gang Rape Case अलीकडेच, हावेरी सत्र न्यायालयाने आफताब चंदनकट्टी, मदार साब मंदाक्की, समिउल्ला ललनावर, मोहम्मद सादिक आगासिमानी, शोएब मुल्ला, तौसीफ छोटी आणि रियाझ साविकेरी या सात मुख्य आरोपींना जामीन मंजूर केला. सर्व आरोपी बराच काळ न्यायालयीन कोठडीत होते.

सौजन्य : सोशल मीडिया 

पीडितेने सुरुवातीच्या चौकशीत आरोपीला ओळखले होते, परंतु न्यायालयात तिचा जबाब नोंदवताना ती ओळख पटवू शकली नाही, त्यामुळे सरकारी वकिलांचे युक्तिवाद कमकुवत झाले. Haveri Gang Rape Case यामुळेच न्यायालयाने सात आरोपींना जामीन मंजूर केला. सुरुवातीला, पीडित महिला आणि तिचा जोडीदार आंतरधर्मीय जोडपे असल्याने हा खटला 'नैतिक पोलिसिंग' म्हणून नोंदवण्यात आला. नंतर, ११ जानेवारी रोजी दंडाधिकाऱ्यांसमोर दिलेल्या जबाबानंतर सामूहिक बलात्काराचे आरोप जोडण्यात आले.