पहिल्यांदाच समोर आले ऑपरेशन सिंदूरच्या वॉर रूमचे फोटो!

Photos from war room ७ मे २०२५ च्या रात्री भारताने आपल्या लष्करी रणनीती आणि ताकदीचे असे उदाहरण सादर केले, जे दीर्घकाळ लक्षात राहील. पहलगाममध्ये दहशतवाद्यांनी केलेल्या २६ निष्पाप नागरिकांच्या हत्येला प्रत्युत्तर म्हणून भारतीय सैन्याने 'ऑपरेशन सिंदूर' अंतर्गत अचूक आणि समन्वित हल्ला केला. ज्यामुळे शत्रूचे मनोबल खचले. हे अभियान तिन्ही दलांच्या संयुक्त प्रयत्नातून पार पाडण्यात आले आणि या अभूतपूर्व मोहिमेचे फोटो आणि तपशील भारतीय सैन्याने अलीकडेच प्रसिद्ध प्रथमच सार्वजनिक केला आहे.

  

या पुस्तिकेत लष्करप्रमुख जनरल उपेंद्र द्विवेदी, नौदलप्रमुख अॅडमिरल दिनेश के त्रिपाठी आणि हवाई दल प्रमुख एअर चीफ मार्शल एपी सिंग हे युद्ध कक्षात एकत्रितपणे ऑपरेशनच्या प्रत्येक हालचालीवर लक्ष ठेवून होते तेव्हाचे दुर्मिळ क्षण टिपले आहेत. पहाटे १:०५ वाजता काढलेल्या छायाचित्रात, Photos from war room जनरल द्विवेदी आणि इतर वरिष्ठ अधिकारी स्क्रीनवर ड्रोन फुटेज आणि उपग्रह प्रतिमा पाहताना दिसत आहेत, ज्यामुळे हे स्पष्ट होते की मोहिमेवर रिअल टाइममध्ये लक्ष ठेवले जात आहे.

 

 

 

यामध्ये स्पष्ट केले आहे की, हे अभियान केवळ लष्करी कारवाई नव्हते, तर ते एका अचूक आणि कसून योजनेचा भाग होते. या कारवाईत, भारतीय हवाई दलाने SCALP क्रूझ क्षेपणास्त्रे, अत्याधुनिक ड्रोन आणि अचूक-मार्गदर्शित बॉम्ब वापरून पाकव्याप्त जम्मू आणि काश्मीरमध्ये असलेल्या नऊ दहशतवादी अड्ड्यांवर हल्ला केला. लष्कर-ए-तैयबा, जैश-ए-मोहम्मद आणि हिजबुल मुजाहिदीन सारख्या संघटनांच्या मुख्यालयांचे मोठे नुकसान झाले. ऑपरेशन सिंदूरमधील भारताच्या कृतींना जागतिक पाठिंबा मिळाला. अमेरिका, फ्रान्स, जपान आणि अनेक युरोपीय देशांनी भारताच्या स्वसंरक्षणाच्या अधिकाराचे समर्थन केले.