अंब्याची आइस क्रीम : घरच्या घरी थंडावा देणारी गोड चव

mango ice cream recipe उन्हाळा आला की आंबा आणि आइस क्रीम ही दोन नावं आपसूकच जिभेवर येतात. आंब्याचा राजा उन्हाळ्याचं खास आकर्षण असतो आणि आइस क्रीम म्हणजे थंडावा देणारी गोड झुळूक! दोघांची जोडी एकत्र आली, तर घरातल्या सगळ्यांसाठी आनंदाचा सणच जणू. बाजारात मिळणार्‍या महागड्या आइस क्रीमला बाजूला ठेऊन, घरीच तयार केलेली अंब्याची आइस क्रीम ही आरोग्यदायी, रसायनमुक्त आणि अतिशय स्वादिष्ट ठरते.

 

 

 

आंबा पिकला की त्याचा सुगंध घरभर दरवळतो. तोच गर वापरून बनवलेली आइस क्रीम फारशी वेळ न घेता तयार होते. यासाठी लागणारी साहित्यही कमी आणि सहज उपलब्ध असतं.

 

 

 

पिकलेला आंबा – २ मोठे (किंवा १ कप आंब्याचा गर)

साखर – ½ कप (आवडीनुसार कमी-जास्त करता येते)

फुल फॅट दूध – १ कप

क्रीम / साय – १ कप

व्हॅनिला इसेन्स – ½ टीस्पून (ऐच्छिक)

१. सर्वप्रथम पिकलेल्या आंब्याचा गर मिक्सरमध्ये साखरेसह घालून मऊसर प्युरी तयार करा.

२. एका भांड्यात क्रीम थोडंसं फेटून घ्या आणि त्यात दूध व व्हॅनिला इसेन्स मिसळा.

३. तयार आंब्याची प्युरी या मिश्रणात घालून चांगलं एकजीव करा.

४. हे मिश्रण एअरटाईट कंटेनरमध्ये भरून डीप फ्रीजरमध्ये ठेवा.

५. दर २-३ तासांनी हे मिश्रण बाहेर काढून ढवळून पुन्हा फ्रीज करा – यामुळे आइस क्रीम स्मूद बनते.

६. किमान ६-८ तासांनी तयार होणारी ही आंब्याची आइस क्रीम स्कूप करून सर्व्ह करा.

 

 

 

 

अधिक चविष्टपणासाठी वरून ड्रायफ्रूट्स किंवा आंब्याचे छोटे तुकडे घालता येतील.

व्हेगन पर्यायासाठी नारळाचं दूध व क्रीम वापरू शकता.

थोडंसं हटके…

जर तुमच्याकडे आंबटगोड कैरी असेल, तर थोडी साखर वाढवून हटके चव असलेली कैरी आइस क्रीमही बनवता येते. अशा प्रयोगांना घरातल्या लहानथोरांचा नेहमीच उत्तम प्रतिसाद मिळतो.