अभिनेत्री करिश्मा कपूरच्या माजी पती संजय कपूरचे निधन

Sanjay Kapoor passes away देशातील प्रसिद्ध उद्योगपती आणि अभिनेत्री करिश्मा कपूरचे माजी पती संजय कपूरचे काल निधन झाले. गुरुवारी संध्याकाळी संजय कपूर इंग्लंडमधील गार्ड्स पोलो क्लबमध्ये पोलो खेळण्यासाठी गेला होता. येथे त्याला अचानक हृदयविकाराचा झटका आला आणि त्याचे निधन झाले. त्याच्या मृत्यूच्या काही तास आधी संजय कपूर यांनी अहमदाबाद विमान अपघातात २४१ जणांच्या मृत्यूबद्दल शोक व्यक्त केला होता. संजय कपूर यानी या प्रकरणाबाबत एक पोस्ट पोस्ट केली होती आणि ही पोस्ट त्याच्या आयुष्यातील शेवटची होती. या पोस्टमध्ये संजय कपूर यानी लिहिले की, 'अहमदाबादमध्ये एअर इंडियाच्या विमान अपघाताची बातमी खूप दुःखद आहे. माझ्या संवेदना आणि प्रार्थना सर्व पीडित कुटुंबांसोबत आहेत. या कठीण काळात देव त्यांना शक्ती देवो.'

 

 

संजय कपूर हे देशातील एक प्रसिद्ध उद्योगपती होते आणि ऑटोमोबाईल व्यवसाय करत होते. ते सोना कॉमस्टार नावाच्या ऑटोमोबाईल कंपनीचे नॉन-एक्झिक्युटिव्ह चेअरमन देखील होते. संजय हा देशातील मोठे उद्योगपती डॉ. सुरिंदर कपूर यांचा मुलगा होता आणि जागतिक स्तरावर कंपनीचा विस्तार करण्यात त्याने महत्त्वाची भूमिका बजावली. संजय ऑटोमोटिव्ह कंपोनंट मॅन्युफॅक्चरर्स असोसिएशन ऑफ इंडिया (एसीएमए) चे अध्यक्ष देखील होते. Sanjay Kapoor passes away संजय आणि करिश्मा यांचे २००३ मध्ये लग्न झाले आणि २००५ मध्ये समायरा यांना जन्म दिला. त्यांचा मुलगा कियानचा जन्म २०११ मध्ये झाला आणि २०१४ मध्ये त्यांनी परस्पर संमतीने वेगळे होण्याचा अर्ज दाखल केला. त्यांच्यातील घटस्फोटाचा वाद खूपच तीव्र होता, जो २०१६ मध्ये अंतिम टप्प्यात आला. २०२३ मध्ये, करिश्मा आणि संजय डिनर आउटिंगवर दिसले. संजयचे सध्या प्रिया सचदेवशी लग्न झाले होते. २०२३ मध्ये तो त्याची माजी पत्नी करिश्मासोबत मुंबईतील एका रेस्टॉरंटमध्ये दिसला होता. दोघांचे रेस्टॉरंट सोडतानाचे व्हिडिओ व्हायरल झाले.

करिश्मा कपूर आणि संजय कपूर यांच्या लग्नानंतर काही वर्षांनी दोघांमध्ये खूप मतभेद झाले. दोन मुलांनंतर दोघांमध्ये भांडण झाले आणि काही वर्षांनी दोघांनी घटस्फोट घेण्याचा निर्णय घेतला. एवढेच नाही तर घटस्फोटाबाबत दोघांमध्ये खूप भांडणे झाली. करिश्मा कपूरने संजयवर अनेक गंभीर आरोपही केले. Sanjay Kapoor passes away दोघांच्या घटस्फोटामुळे बरीच चर्चा रंगली होती. करिश्मा कपूरच्या वडिलांनी स्वतः एका मुलाखतीत याबद्दल सांगितले होते. तथापि, २०२३ मध्ये जेव्हा दोघे एकत्र जेवायला बाहेर गेले तेव्हा दोघांमधील हे सर्व भांडणे मिटल्याचे दिसून आले. ज्याचे व्हिडिओ आणि फोटोही व्हायरल झाले.