नागरिकांच्या सर्व समस्या जिल्ह्यातच सोडविल्या जाणार

भाजप शहराध्यक्ष दयाशंकर तिवारी आपल्या मार्गदर्शनात म्हणाले, सरकार दारी सारख्या उपक्रमामुळे शासनाच्या विविध योजना थेट नागरिकांपर्यंत पोहोचविण्याचा निर्धार आम्ही केला आहे. जिल्हा प्रशासनाने ‘शासन आपल्या मोबाईलवर’ हा उपक्रम सुरू केला आहे. अनेक शासकीय योजना, उपक्रम, प्रमाणपत्र थेट जनतेच्या हातात एका क्लिकवर आणले आहेत. शासनाच्या योजना लोकांपर्यंत पोहचविण्याचे काम आम्ही वेगाने सुरु केले आहे. भाऊसाहेब फुंडकर यांच्या कार्यशैलीचा करताना दयाशंकर तिवारी पुढे म्हणाले, संघटना मजबूत करण्यासाठी भाऊसाहेबांनी खुप परिश्रम घेतले होते. आता आकाश फुंडकर कामगार मंत्री असल्याने त्यांच्या हातून कामगारांची सेवा होत आहे.

आनंदराव राऊत म्हणाले, भाजपची व्होट बँक केवळ राजकारणावर नाही, तर कार्यकर्त्यांच्या सेवाभावी वृत्तीवर उभी आहे.Akash Fundkar नागरिकांच्या अडचणी सोडवण्यासाठी शासन दारी अत्यंत मोलाची ठरणार आहे. स्थानिक स्वराज्य संस्थांच्या निवडणुकांमध्ये भाजपला यश मिळविण्यासाठी कंबर कसण्याची गरज आहे.

मनोहर कुंभारे आपल्या मार्गदर्शनात म्हणाले, मंत्रालयातील कामे गावात होत असतील तर नागरिकांचा पैसा वाचणार आहे. प्रशासनाच्या कार्यशैलीला गती देण्याचे काम पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली शासनाने करुन दाखविले आहे. भाजपच्या असंख्य कार्यकर्त्यांनी दिलेल्या बळामुळेच आज पक्षाची ताकत दिवसेंदिवस वाढत आहे. जनसंवाद कार्यक्रमाला भाजपचे पदाधिकारी, कार्यकर्ते आणि नागरिक मोठ्या संख्येने उपस्थित होते.