धंतोलीत भरदिवसा लूटपाट,70 हजार रोख पळविली

robbery in Dhantoli दुचाकीने आलेल्या आरोपींनी 70 हजारांची रोख असलेली बॅग पळविली. ही खळबळजनक घटना धंतोली ठाण्यांतर्गत भरदुपारी घडली. या घटनेमुळे प्रचंड खळबळ उडाली. मात्र, पोलिसांनी घटनेच्या पंधरा तासांत आरोपीच्या मुसक्या आवळल्या. तुषार मेश्राम (22) रा. फुटाळा असे अटकेतील आरोपीचे नाव आहे.

 

 

 

 

कुंजीलालपेठ येथील रहिवासी फिर्यादी पवन नरांजे (38) हे एका कंपनीत काम करतात. कंपनीचे कर्मचारी ठिकठिकाणाहून गोळा केलेली रक्कम बँकेत जमा करतात. आरोपी तुषार आणि त्याचा मित्र मंडप डेकोरेशनचे काम करतो. अशा पद्धतीने बँकेत रक्कम जमा केली जात असल्याची माहिती आरोपींना मिळाली. त्यांनी काही दिवस रेकी केली. मार्गावर पाळत ठेवली. कोणत्या मार्गावर लूटपाट करणे सोईचे होईल, याचाही अभ्यास केला.

 

घटनेच्या दिवशी म्हणजे 3 जून रोजी फिर्यादीने धंतोली परिसरातील एका रुग्णालयातून 70 हजारांची रोख रक्कम घेतली. बॅगमध्ये भरली आणि रक्कम बँकेत भरण्यासाठी तो दुचाकीने निघाला. दुपारी 12.45 ते दीड वाजताच्या सुमारास फिर्यादी अभ्यंकर मार्गाने जात असताना त्याचा पाळतीवर असलेले आरोपी पाठलाग करीत त्याच्या मागेच होते. संधी मिळताच मागे बसलेल्या युवकाने पवनजवळची पिशवी हिसकली आणि पळाले. पवनने आरडाओरड केली.robbery in Dhantoli मात्र, तोपर्यंत आरोपी पळून गेले.

याप्रकरणी धंतोली पोलिसांनी गुन्हा नोंदविला. पोलिस निरीक्षक अनामिका मिर्झापुरे यांनी घटनेची गंभीर दखल घेतली. घटनास्थळाची पाहणी करून एक पथक तयार केले. पथकाने सीसीटीव्ही फुटेज तपासले. आरोपींची ओळख पटली आणि घटनेच्या पंधरा तासांत आरोपींच्या मुसक्या आवळल्या. या लूटपाट प्रकरणात आणखी किती लोकांचा सहभाग आहे, यापूर्वी कुठे बॅग हिसकण्याची घटना घडली आहे का, ही योजना आखण्यासाठी कोणी टीप दिली, याविषयी सखोल तपास सुरू आहे.