नव्या नंबर प्लेटची फिटमेंट सेंटरची संख्या वाढणार

HSRP Number Plate : वाहनांना हाय सिक्युरिटी रजिस्ट्रेशन नंबरप्लेट (एचएसआरपी) लावण्यासाठी प्रादेशिक परिवहन विभागाने ३० जून मुदत दिली आहे. मात्र, केवळ २४ दिवसांत २४.५ लाख वाहनांना नवी नंबर प्लेट बसवणे नसल्याचे लक्षात येताच आता शहरात फिटमेंट सेंटरची संख्या वाढविण्यात येणार आहे. त्यामुळे नागरिकांना आता शहरात विविध ठिकाणी वाहनांना नंबर प्लेट लावण्याची मुभा मिळणार आहे.

 

 

 

 

 

 

प्रादेशिक परिवहन विभागाकडून १ जानेवारीपासून एचएसआरपी नंबर प्लेट लावण्याच्या प्रक्रियेला सुरुवात झाली होती. या प्रक्रिया आता पाच महिन्यांपेक्षा जास्त कालावधी होत आहे. मात्र, अजूनही वाहनधारकांचा एचएसआरपी नंबर प्लेटची ऑनलाईन नोंदणी करण्यावर नसल्याचे दिसत आहे. येत्या २४ दिवसांत जवळपास २४ लाख ५० हजार वाहनांची ऑनलाईन नोंदणी करणे बाकी आहे. १ एप्रिल २०१९ पूर्वीच्या सर्वच जुन्या वाहनांना ‘एचएसआरपी’ बसवून घेणे परिवहन विभागाने बंधनकारक केले आहे. त्यामुळे अनेक वाहनचालक आता ऑनलाईन नोंदणी करण्यासाठी आटापिटा करीत आहेत.

 

 

 

प्रादेशिक विभागाने आता तिसर्‍यांदा मुदत वाढ केली असून ३० जूनपर्यंत प्रत्येक वाहनधारकाने किमान ऑनलाईन नोंदणी करणे अनिवार्य करण्यात आले आहे. शहरात नोंदणी असलेल्या २६ लाख ९३ हजार ३७५ जुन्या वाहनांपैकी केवळ १ लाख ९० हजारांवर वाहनांनीच नवीन नंबर प्लेट बदलविली आहे. हे प्रमाण केवळ २० टक्केच आहे. त्यामुळे येत्या २४ एवढ्या वाहनांची नोंदणी किंवा नवीन नंबर प्लेट बसविणे अशक्य आहे. ही बाब लक्षात घेता शहरात असलेल्या ९९ फिटमेंट केंद्रांच्या संख्या वाढविण्यात येणार आहे. त्यामुळे येत्या काही दिवसांत फिटमेंट केंद्रांची संख्या वाढल्याने वाहनधारकांना दिलासा मिळाला आहे. फिटमेंट केंद्रांची संख्या कमी असल्यामुळे वाहनधारकांना दोन ते तीन महिन्यांची वेटिंग देण्यात येत होती. आता सुटका मिळणार आहे.