सेल्फीच्या नादात धबधब्यामध्ये बुडून २ विद्यार्थ्यांचा मृत्यू

2-students-die-drowning-in-sehore पिकनिकसाठी मध्य प्रदेशातील सिहोर येथे आलेल्या व्हीआयटी विद्यापीठाच्या विद्यार्थ्यांसोबत अपघात घडला आहे. येथे सेल्फी काढताना २ विद्यार्थी धबधब्यामध्ये वाहून गेले आणि त्यांचा मृत्यू झाला. विद्यार्थ्यांचे मृतदेह अद्याप हाती लागलेले नाहीत. ही घटना मध्य प्रदेशची राजधानी भोपाळपासून ५० किमी अंतरावर घडली. व्हीआयटी विद्यापीठाचे पाच विद्यार्थी कोठारीजवळील खिवनी अभयारण्याच्या भैरुखा धबधब्याला भेट देण्यासाठी गेले होते. या दरम्यान हेमंत आणि सीमाख नावाच्या २ विद्यार्थ्यांचा धबधब्यामध्ये बुडून मृत्यू झाला.

 

 

ही घटना इच्छावर पोलीस स्टेशन परिसरातील भेरुखा धबधब्याची आहे. इच्छावर पोलीस घटनास्थळी पोहोचले आहेत.मिळालेल्या माहितीनुसार, व्हीआयटी कॉलेज कोठारीमध्ये शिकणारे विद्यार्थी खिवनी अभयारण्याच्या भेरुखा धबधब्यावर पिकनिकसाठी आले होते, तेव्हा एक विद्यार्थी सेल्फी घेण्यासाठी धबधब्यामध्ये जाऊ लागला आणि पाण्याच्या जोरदार प्रवाहामुळे बुडू लागला. दरम्यान, त्याचा मित्र त्याला वाचवण्यासाठी  गेला आणि तोही त्याच्यासोबत बुडाला. 2-students-die-drowning-in-sehore घटनेची माहिती मिळताच इच्छावर पोलीस ठाण्याचे प्रमुख पोलिसांसह घटनास्थळी पोहोचले परंतु रात्री उशिरा झाल्यामुळे बचावकार्य होऊ शकले नाही आणि मृतदेह बाहेर काढण्यात आले नाहीत. पिकनिकसाठी आलेल्या विद्यार्थ्यांपैकी काही आंध्र प्रदेशचे तर काही गुजरातचे असल्याचे सांगितले जाते. हे सर्व व्हीआयटी कॉलेजचे विद्यार्थी आहेत. सध्या सुरक्षेसाठी धबधब्याजवळ वन विभागाचे एक पथक नियुक्त करण्यात आले आहे.

इच्छावर टीआय म्हणाले, "धबधब्यामध्ये बुडून हेमंत आणि सिमुख यांच्या मृत्यूचे प्रकरण इच्छावर परिसरातील भेरुखा धबधब्याचे आहे. 2-students-die-drowning-in-sehore एसडीआरएफची टीम कालपासून बचावकार्यात आहे." त्यांनी सांगितले की पाच विद्यार्थी होते, त्यापैकी दोन जणांचा मृत्यू झाला आणि तीन विद्यार्थी आता सुरक्षित आहेत आणि ते इच्छावर पोलीस ठाण्यात आहेत. बचावकार्य अजूनही सुरू आहे आणि आम्ही कालपासून पूर्ण प्रयत्न करत आहोत.