'जूता मारूंगा खींच के'... आमदाराची अरेरावी

Bhai Virendra बिहारमधील राष्ट्रीय जनता दलाचे आमदार भाई वीरेंद्र यांचा एक कथित ऑडिओ सध्या सोशल मीडियावर जोरदार व्हायरल होत आहे. या ऑडिओमध्ये ते मनेर येथील पंचायत सचिवाशी फोनवर बोलताना चिडलेले ऐकायला मिळत आहेत. एका व्यक्तीच्या मृत्युपत्र प्रमाणपत्रासाठी सचिवाशी संपर्क साधलेल्या आमदारांची ओळख न पटल्याने ते भडकले आणि सचिवाला जाहीरपणे जूत्याने मारण्याची धमकी दिली.संभाषणादरम्यान आमदारांनी आपली ओळख पटवून देण्याचा प्रयत्न केला, मात्र सचिवाने ती लगेच ओळखली नाही. त्यामुळे आमदार चिडले. त्यांनी सचिवाला "मी मनेरचा आमदार आहे, ओळखत नाहीस का?" असे म्हणत रागाने सुनावले. सचिवाने शांतपणे उत्तर देत "ओळख असती तर अशा प्रकारे बोललो नसतो," असे सांगितले.

 

 

यावर आमदारांनी Bhai Virendra audio viral सचिवाला "जूत्याने मारू, केस कर, जे करायचं ते कर," अशा शब्दांत धमकावले. सचिवाने मात्र संयम न सोडता स्पष्ट शब्दांत सांगितले की, "प्रेमाने बोलाल तर सन्मानाने उत्तर मिळेल. धमकावून काही होणार नाही." सचिवाने अधिक पुढे जात, "आपण जनप्रतिनिधी आहात, अपेक्षा असते की प्रेमपूर्वक बोलाल," अशीही प्रतिक्रिया दिली.संपूर्ण संभाषणात दोघांमधील तणाव स्पष्ट जाणवतो. आमदार काम लवकर व्हावे म्हणून दबाव टाकत होते, तर सचिव नियम आणि प्रक्रियेच्या मर्यादेत राहून उत्तर देत होते. सचिवाने अगदी शेवटी म्हटले, "तुम्ही लेखी आदेश द्या, ट्रान्सफरसाठी तयार आहे."या ऑडिओमुळे राजकीय वर्तुळात खळबळ माजली आहे. एकीकडे जनप्रतिनिधीचा असंतुलित स्वभाव चर्चेचा विषय ठरतो आहे, तर दुसरीकडे सचिवाच्या थेट आणि नम्र उत्तरांनी लोकशाही मूल्यांबाबत आदर्श ठेवला आहे. तथापि, सदर ऑडिओची अधिकृत पुष्टी अद्याप झालेली नाही.