बंदिवासातून सुटलेल्या पाळीव सिंहाचा मुलांवर हल्ला; VIDEO व्हायरल

lion attacks children in Lahore काही दिवसांपूर्वी पाकिस्तानातील लाहोरमध्ये एका सिंहाने दहशत पसरवली. येथे एका पाळीव सिंहाने बंदिवासातून सुटका करून रस्त्यावर येऊन बराच गोंधळ घातला तसेच अनेकांना जखमी केले. या घटनेशी संबंधित एक व्हिडिओ व्हायरल होत आहे ज्यामध्ये लोक सिंहाच्या भीतीने इकडे तिकडे धावताना दिसत आहेत. या हल्ल्यात काही लोक जखमी झाल्याची पुष्टी पोलिसांनी केली आहे.

 

 

पोलिसांनी शुक्रवारी सांगितले की ही घटना लाहोरच्या एका निवासी भागात घडली. गुरुवारी रात्री सिंह घराभोवतीच्या भिंतीवरून उडी मारून बाहेर आला. त्यानंतर तो अनियंत्रित झाला आणि लोकांवर हल्ला करू लागला. ही घटना जवळच्या सीसीटीव्हीमध्ये कैद झाली आहे. फुटेजमध्ये सिंह अचानक  महिलेवर हल्ला करतो. पोलिसांच्या अहवालात असे म्हटले आहे की यानंतर सिंहाने महिलेच्या मुलांवरही हल्ला केला. तिघेही थोडक्यात बचावले. lion attacks children in Lahore अहवालात एक धक्कादायक गोष्टही समोर आली आहे. मुलांच्या वडिलांनी आरोप केला आहे की, आवाज ऐकून घराबाहेर पडलेल्या सिंहाच्या मालकाने हल्ला थांबवण्याऐवजी मजा केली आणि हल्ला थांबवण्याचा प्रयत्नही केला नाही. तक्रारीनंतर पोलिसांनी या घटनेसंदर्भात तीन जणांना अटक केली आहे. अधिकाऱ्यांनी ११ महिन्यांच्या सिंहालाही ताब्यात घेतले आहे आणि वन अधिकाऱ्यांच्या ताब्यात दिले आहे.

सौजन्य : सोशल मीडिया