पांढरे केस, हार्मोनल बदल आणि एंडोमेट्रिओसिसविरुद्धची लढाई

Sumona Chakravarti लोकप्रिय टीव्ही अभिनेत्री सुमोना चक्रवर्ती, जी द कपिल शर्मा शो आणि बडे अच्छे लगते हैं सारख्या मालिकांमुळे घराघरात ओळखली जाते, अलीकडेच शरीराची प्रतिमा, आरोग्य आणि वृद्धत्व या विषयांवर खुलेपणाने बोलली. सोशल मीडियावर एका पोस्टद्वारे तिने पांढरे केस दाखवणे, हार्मोनल बदल, एंडोमेट्रिओसिसशी लढणे आणि तिच्या आध्यात्मिक प्रवासाबद्दल अनुभव शेअर केले.

 

 

 

 

सुमोना म्हणाली की महिलांच्या पांढऱ्या केसांबद्दल समाजात अजूनही नकारात्मकता आहे. “पुरुषांच्या पांढऱ्या केसांचे कौतुक केले जाते, पण महिलांचे पांढरे केस वृद्धत्वाचे लक्षण समजले जाते,” असे ती म्हणाली. तिने हे दुहेरी मानक चुकीचे असल्याचे सांगितले आणि स्वतःचे पांढरे केस लपवण्याऐवजी अभिमानाने दाखवण्याचा निर्णय घेतला.तिच्या २० व्या वर्षी, शरीरयष्टीमुळे तिला “फ्लॅट स्क्रीन” अशी उपाधी देत चेष्टा केली जात होती. आता वयाच्या ३५ व्या वर्षी, हार्मोनल बदल आणि एंडोमेट्रिओसिसच्या परिणामामुळे तिच्या शरीरात वक्रता आली आहे. ती म्हणते, “महिलांनी स्वतःला जसे आहे तसे स्वीकारले पाहिजे. सौंदर्याचे ठरलेले निकष पाळण्याची जबरदस्ती नसावी.”सुमोनाने दीर्घ काळ एंडोमेट्रिओसिस या आजाराशी लढा दिला आहे. ती मानते की केसांचा रंग बदलणे असो, बोटॉक्स घेणे असो किंवा लग्नाचा निर्णय असो – प्रत्येक स्त्रीला स्वतःची निवड करण्याचा अधिकार आहे.

तिच्या मानसिक आणि भावनिक शांततेसाठी सुमोनाने आध्यात्मिकतेकडेही वळण घेतले. तिने १० दिवसांची विपश्यना मौन साधना केली आणि स्वतःशी पुन्हा जोडण्यासाठी काही काळ सर्वांपासून दूर राहिली. २०११ पासून ती विविध आध्यात्मिक मार्गांचा शोध घेत आहे.