25 कृत्रिम तलाव व 25 निर्माल्य कलशांची उभारणी

chandrapur-news : चंद्रपूर महानगरपालिकेतर्फे शहरात मूर्ती विसर्जनाच्या सोयीच्यादृष्टीने 25 कृत्रिम तलाव व 25 निर्माल्य कलशांची उभारणी करण्यात आली असून, सर्व घरगुती व लहान मूर्तीचे विसर्जन कृत्रिम कुंडातच करण्याचे आवाहन मनपातर्फे करण्यात आले आहे.

 

 

 

शहरात मुख्यतः दीड दिवस, 3 दिवस, 5 दिवस तसेच 10 दिवसाच्या गणपतीची स्थापना करण्यात येते. दीड दिवसाच्या गणपतीचीही स्थापना करण्यात येत असल्याने स्थापनेच्या दुसर्‍याच दिवशी विसर्जनाच्या व्यवस्थेची गरज भासते. त्यामुळे घरगुती गणेशाचे विसर्जन घरीच अथवा जवळच्या कृत्रिम तलावातच व्हावे यासाठी मनपातर्फे व्यवस्था करण्यात आली आहे.

 

 

नागरिकांनी घरगुती श्रीगणेशाच्या मूर्ती या कमी उंचीच्या ठेवण्यासंबंधी काळजी घेण्याचे आवाहन मनपामार्फत आधीच करण्यात आले होते. मागीलवर्षी पीओपीच्या मूर्तीचा वापर न करून नागरिकांनी प्रशासनास सहकार्य केले होते. यंदाही श्रीगणेशोत्सवाच्या सुनियोजित आयोजनासाठी चंद्रपूर मनपा दक्ष असून, भाविकांनीही पर्यावरणपुरक श्रीगणेशोत्सव संपन्न व्हावा याकरीता सहकार्य करण्याचे आवाहन चंद्रपूर महानगरपालिकेतर्फे करण्यात येत आहे.

 

 

गणेश मूर्तीच्या विसर्जनासाठी झोननिहाय 3 फिरत्या विसर्जन कुंडांची व्यवस्था करण्यात आली आहे. या फिरत्या विसर्जन कुंडांचे झोननिहाय मार्गक्रमण वेळापत्रक आणि संपर्क क्रमांकदेखील महापालिकेद्वारे देण्यात आलेले आहेत. मनपाद्वारे गणेशोत्सव विविध परवानगीसाठी एक खिडकी प्रणालीसुद्धा सुरु करण्यात आली होती. पोलिस ठाणे, ट्राफिक पोलिस ठाणे, सार्वजनिक बांधकाम, अग्निशमन, महावितरण केंद्र, महानगरपालिका इत्यादी विभागाद्वारे संयुक्तरीत्या सार्वजनिक मंडळांना परवानगी देण्यात आली आहे.

 

 

 

झोन क्र. 1 (कार्यालय) संजय गांधी मार्केट - 2, साईबाबा मंदीर वडगाव - 1, वडगाव पोलिस चौकी - 1, दाताळा रोड, इरई नदी - 2, तुकूम प्रा. शाळा (मनपा,चंद्रपूर) - 2, तुकूम एसटी वर्कशॉप - 2, रामाळा तलाव - 4, छत्रपती शिवाजी चौक - 2, गांधी चौक - 1, लोकमान्य टिळक प्रा. शाळा पठाणपुरा रोड - 1, विठोबा खिडकी विठ्ठल मंदीर वॉर्ड - 1, महाकाली प्रा. शाळा - 1, सावित्रीबाई फुले प्रा. शाळा बाबुपेठ - 2, झोन क्र. 3 (कार्यालय) - 2, लालपेठ ( हनुमान मंदिर ) जुनी बस्ती, असे एकूण 25 कृत्रिम तलाव स्थळ आहे.