श्री चक्रधर स्वामी अवतार दिनानिमित्त २५ ऑगस्टला भव्य शोभायात्रा: आचार्य लोणारकरबाबा

acharya-lonarkar-baba : अखिल भारतीय पंचकृष्ण प्रबोधन परिषद श्री क्षेत्र जाळीचा देव च्या वतीने सर्वज्ञ श्री चक्रधरस्वामी अवतारदिना निमित्त श्रीगोपाल आश्रम, श्रीपंचकृष्ण मंदीर अजिंठा रोड येथे भव्य महोत्सावाचे आयोजन करण्यात आले आहे. २५ व २६ ऑगस्ट रोजी संपन्न होणार्‍या या महोत्सवात विविध कार्यक्रम आयोजित करण्यात आले असून राज्यस्तरीय श्रीमद्भगवतगीता ज्ञानस्पर्धा बक्षीस वितरण सोहळा संपन्न होणार आहे. तसेच दि. २५ ऑगस्ट रोजी चक्रधर स्वामींची भव्य शोभयात्रा बुलढाणा शहरातून काढण्यात येणार असल्याची माहिती अभा पंचकृष्ण प्रबोधन परीषद श्री क्षेत्र जाळीचा देवचे अध्यक्ष आचार्य श्री लोणारकर बाबा यांनी पत्रकार परिषद दरम्यान दिली.

 

 

 

दि. २२ ऑगस्ट रोजी गोपाल आश्रम या ठिकाणी पत्रकार परिषदेचे अयोजन करण्यात आले होते. लोणारकर बाबा पुढे म्हणाले की, सदर महोत्सवात आचार्य मेहकरकर बाबा, पाथरीकर बाबा, आंबेकरबाबा, भिष्माचार्य बाबा, चिचोडीकर बाबा महानुभाव यांचे मार्गदशनपर कार्यक्रम होणार आहे. तसेच दि. २५ ऑगस्ट रोजी सकाळी ८ ते ११ यावेळेत व्यक्तीमत्व विकास युवक मेळावा, श्रीमदभगवत गीता ज्ञान परीसंवाद स्पर्धा संपन्न होणार आहे. दुपारी १२ वाजता चक्रधर स्वामी अवतरण सोहळा दुपारी २ ते ६ शहरातून भव्य शोभायात्रा काढण्यात येणार आहे. तर सायंकाळी ७ ते १० या वेळेत किर्तव प्रवचन आयोजित करण्यात आले आहे.

 

 

 

दि. २६ ऑगस्ट रोजी सकाळी ५ ते ७ यावेळेत देवपूजा व मंगलस्नान, श्रीमदभगवत गीता पारायण, सकाळी ८ ते ९ ध्वजारोहण, ९ ते ११ चक्रधर स्वामीच्या तत्वज्ञानावर श्रीमदभगवत गीता ज्ञान स्पर्धा बक्षिस वितरण सोहळा तर १२ वाजाता पंचाअवतार उपहार व महाप्रसादाचे आयोजन करण्यात आले आहे. शहरातून विविध मार्गाने मार्गक्रमण करणार्‍या भव्य शोभायात्रेची सुरवात गोपाल आश्रम अजिंठारोड येथून होणार आहे. या शोभायात्रेत विविध रथ, देखावे, ढोलताशा पथक, लेझीम पथक यासह धार्मिक व प्रबोधनात्मक साकारण्यात येणार आहे. या दोन दिवसीय महोत्सवा मध्ये विविध पक्षाचे खासदार, आमदार, पदाधिकारी तसेच विविध विभागाचे अधिकारी उपस्थित राहणार आहेत. यासर्व कार्यक्रमांना नागरिकांनी मोठ्या संख्येने उपस्थित राहावे असे आवाहन आचार्य लोणारकर बाबा यांनी केले आहे. या पत्रकार परिषदेला पत्रकारांसह गोपाल आश्रमाचे पदाधिकरी उपस्थित होते.