महाराष्ट्र : ७२ तासांचा हाय अलर्ट; मुंबईसह अनेक जिल्ह्यांना रेड अलर्ट

राज्य आपत्कालीन ऑपरेशन्स सेंटरने सर्व जिल्हा प्रशासनांना सतर्क राहण्याचे निर्देश दिले आहेत. red-alert-for-maharashtra विशेषतः शहरी पूर, घाट भागातील भूस्खलन आणि अचानक पूर येण्याचा धोका लक्षात घेऊन खबरदारीचे आदेश देण्यात आले आहेत. ३० सप्टेंबरपर्यंत प्रशासन हाय अलर्टवर असून, २४ तास नियंत्रण कक्ष सुरु ठेवणे, सखल भागातील पाणी काढण्यासाठी पंप तैनात करणे, नद्यांच्या प्रवाहावर व धरणातील विसर्गावर लक्ष ठेवणे यासारख्या उपाययोजना राबवण्याचे निर्देश देण्यात आले आहेत. तसेच आपत्कालीन उपकरणे, दुरुस्ती पथके आणि पथदर्शी यंत्रणा सज्ज ठेवण्याची तयारी आहे.

राज्य सरकारने नागरिकांना सतर्कतेचा सल्ला दिला आहे:

सखल भागात जाणे टाळा.

मुसळधार पावसात नद्या, कालवे व पुलांच्या जवळ जाऊ नका.

विजांच्या कडकडाटात झाडाखाली थांबू नका.

आवश्यक असल्यास स्थानिक आश्रयस्थानी तात्काळ संरक्षण घ्या.

हवामान सुधारत नाही तोपर्यंत अनावश्यक प्रवास व पर्यटन टाळा.