जागतिक स्तरावर अ‍ॅड. शरद राखोंडे ठरले जिल्ह्याचे पहिले आयरर्नमॅन

Sharad Rakhonde : जिल्ह्याच्या इतिहासात एक सुवर्णाक्षरांनी कोरली जाणारी कामगिरी जिल्हा काँग्रेसचे सचिव, प्रसिद्ध विधिज्ञ आणि सक्रिय सामाजिक कार्यकर्ते असलेल्या अ‍ॅड. शरद ल. राखोंडे यांनी साऊथ कोरिया येथे नुकत्याच पार पडलेल्या आयरनमॅन ट्राथलॉन स्पर्धेत स्पर्धेत यशस्वी सहभाग नोंदवला असून ही स्पर्धा १४ तास ३८ मिनिटांत पूर्ण करत ते जिल्ह्यातील पहिले आयरर्नमॅन ठरले आहेत.

 

 

 

स्पर्धा जगातील सर्वात कठीण ट्रायथलॉन पैकी एक मानली जाते, ज्यात ३.८ किमी पोहणे, १८० किमी सायकलिंग आणि ४२.२ किमी मॅरेथॉन हे तीन कठीण टप्पे सलग एकाच दिवशी पूर्ण करावे लागतात. हे केवळ शारीरिकच नव्हे, तर प्रचंड मानसिक क्षमता आणि आत्मशिस्त यांची कसोटी असते. अ‍ॅड. राखोंडे यांनी यापूर्वीही विविध राष्ट्रीय व राज्यस्तरीय क्रीडा स्पर्धांमध्ये सहभाग घेऊन उल्लेखनीय यश मिळवले आहे. त्यांचे हे यश म्हणजे दीर्घकालीन परिश्रम, कठोर प्रशिक्षण आणि न थांबणार्‍या जिद्दीचे प्रतीक आहे. या ऐतिहासिक यशामुळे बुलढाणा जिल्ह्याचे नाव आंतरराष्ट्रीय स्तरावर पोहोचले आहे.