रेल्वे मार्गाच्या आसपास पतंगबाजी करु नये

रेल्वे मार्गाच्या आजूबाजूला राहून Kite flying पतंग उडविणे प्रचंड धोकादायक आहे. त्यामुळे पतंगबाजी करणार्‍यांनी रेल्वे मार्गाच्या आसपास राहून पतंग उडवू नये, असे आवाहन दक्षिण पूर्व मध्य रेल्वे प्रशासनाने केले आहे.

 

 

 

 

मकरसंक्रांतीच्या निमित्ताने पतंगबाजीला सर्वत्र चढतो. अनेक पतंगबाज निष्काळजीपणे पतंगीचा खेळ करून अनेकांच्या जीवितांशी खेळ करतात. कुणाचा गळा, कुणाचा चेहरा, नाक, कान, कापले जाते तर काही निरपराधांचे बळीही घातक मांजामुळे जातात. दरवर्षी असे प्रकार घडतात. त्यामुळे पतंगबाजांनी घातक नायलॉन मांजाचा वापर करू नये, असे आवाहन दरवर्षी केले जाते.

 

 

विशेषत: शहरात मध्य रेल्वे आणि दक्षिण पूर्व मध्य रेल्वेच्या विभागांची दोन स्वतंत्र मुख्यालये आहेत. या विभागीय मुख्यालयातर्फे संचालित केल्या जाणार्‍या रेल्वेचे परिचालन २५ हजार व्होल्ट क्षमतेच्या उच्च दाबाच्या विद्युत तारांमध्ये २४ तास वीज प्रवाह सुरू असतो. पतंगाचा मांजा जर या उच्च-दाब विद्युत तारांमध्ये अडकला, तर विद्युत प्रवाह थेट उडविणार्‍या व्यक्तीपर्यंत पोहोचू शकतो. यामुळे गंभीर अपघात किंवा प्राणहानी होण्याची दाट शक्यता असते. त्यामुळे पतंग उडविणार्‍यांनी हा धोका लक्षात घेऊन रेल्वे आजूबाजूला पतंग उडवू नये, असे आवाहन रेल्वे प्रशासनाने केले आहे.

शहरातील अजनी, नरेंद्रनगर, मनीषनगर, सोमलवाडा, शिवणगाव, वर्धा मार्ग तसेच कोराडी, कामठी मार्ग, गिट्टीखदान काटोल मार्ग इतवारी, कळमना भागातून गेलेल्या रेल्वे रुळांच्या बाजूला रोज अनेक पतंगबाजी करताना दिसतात. चारही दिशांचा रेल्वे मार्ग दाट लोकवस्तीतून गेला असल्याने त्या भागातील नागरिकांनी, पोलिसांनी करंटचा धोका लक्षात घेऊन Kite flying  पतंगबाजीला आवर घालावा, असेही आवाहन करण्यात आले आहे.