ताबडतोब सोडा इराण; भारतीय नागरिकांसाठी सरकारचा सल्ला

परिस्थितीचे गांभीर्य लक्षात घेता, तेहरानमधील भारतीय दूतावासाने स्पष्ट केले आहे की इराणमधील भारतीय विद्यार्थी, यात्रेकरू, व्यावसायिक आणि पर्यटकांनी शक्य तितक्या लवकर विमानाने किंवा इतर मार्गांनी निघून जावे. दूतावासाने नागरिकांना निदर्शने किंवा गर्दीच्या ठिकाणी जाणे टाळण्याचा सल्ला दिला आहे. भारतीय दूतावासाने संकटात सापडलेल्या भारतीयांना त्वरित मदत देण्यासाठी अनेक आपत्कालीन हेल्पलाइन क्रमांक देखील जारी केले आहेत. भारतीय नागरिकांना +98 9128109115; +98 9128109109, +98 9128109102 आणि +98 9932179359 वर संपर्क साधण्यास सांगण्यात आले आहे. मदतीसाठी एक ईमेल पत्ता देखील जारी करण्यात आला आहे: cons.tehran@mea.gov.in.

भारतीय दूतावासाने इराणमधील सर्व भारतीय नागरिकांना विनंती केली आहे की ज्यांनी अद्याप दूतावासात नोंदणी केलेली नाही. इंटरनेट बंद पडल्यामुळे जर तिथून नोंदणी शक्य नसेल तर भारतातील नातेवाईक https://www.meaers.com/request/home या लिंकद्वारे ऑनलाइन नोंदणी प्रक्रिया पूर्ण करू शकतात, असे दूतावासाने म्हटले आहे.