पुण्यात ऑटोरिक्षा चालकांची दुकानदारी बंद होणार?

RTO पुणे शहरातील ऑटो रिक्षाचालकांची मनमानी कारभारामुळे प्रवाशांचे मोठे आर्थिक नुकसान होत आहे. शहरातील अनेक रिक्षाचालक मीटरनुसार भाडे न आकारता थेट जादा भाडे वसूल करत आहेत, तसेच मिटर फास्ट ठेवणे, जादा प्रवाशी घेणे, भाडे नाकारणे आणि उध्दट वर्तन करणे यासारख्या नियमांचे उल्लंघन करत आहेत. त्यामुळे प्रादेशिक परिवहन कार्यालय पुणे (आरटीओ)ने यावर कडक कारवाई सुरू केली आहे.

 

 

एप्रिल ते डिसेंबर RTO  २०२५ या कालावधीत आरटीओच्या तपासणीत ४,८९६ ऑटोरिक्षांची तपासणी केली गेली. यामध्ये १,८७७ रिक्षा दोषी आढळल्या, ज्यामुळे आरटीओने १०५ रिक्षाचालकांचे परवाने निलंबित केले आणि ८ लाख ६७ हजार रुपये दंड वसूल केले आहेत.आरटीओने रिक्षाचालकांच्या मनमानी कारभारावर नियंत्रण ठेवण्यासाठी ही कारवाई सुरु केली आहे. तपासणीत ८७ रिक्षाचालक जादा भाडे घेत असल्याचे, ४६ रिक्षाचालक मिटर फास्ट ठेवत असल्याचे, २९ रिक्षाचालक जादा प्रवाशी घेऊन प्रवास करत असल्याचे, ११९ रिक्षाचालक भाडे नाकारत असल्याचे आणि ८६ रिक्षाचालक उध्दट वर्तन करत असल्याचे आढळले. यावर आरटीओने कठोर दंडात्मक कारवाई केली आहे.

 

 

सध्या अनेक RTO प्रवाशांना त्यांच्या तक्रारी कशा नोंदवायच्या आणि कुठे करायच्या याची योग्य माहिती नाही, ज्यामुळे त्यांना फसवणुकीला सामोरे जावे लागते. अशा परिस्थितीत प्रवाशांनी तक्रार करण्याची योग्य प्रक्रिया शिकणे महत्त्वाचे आहे. त्यासाठी आरटीओने एक व्हॉट्सअॅप क्रमांक जारी केला आहे, ज्यावर तक्रारी नोंदवता येतील. प्रवाशांना आवश्यक असलेल्या सर्व माहितीची सूची दिली आहे, जसे की तक्रारदाराचे नाव, मोबाईल नंबर, प्रवासाचा मार्ग, वाहन क्रमांक, दिनांक व वेळ, तसेच तक्रारीचे स्वरूप.आरटीओ प्रशासनाच्या या कारवाईनंतर प्रवाशांमध्ये आशा आहे की रिक्षाचालकांच्या मनमानी वर्तणुकीला आळा बसेल. प्रवाशांनी तक्रार करणे सोपे करणे आवश्यक आहे, जेणेकरून रिक्षाचालकांच्या असंवेदनशील वर्तनावर लगेच कारवाई होऊ शकेल. "ऑटो रिक्षाचालकांना त्यांच्या दोषी वर्तनासाठी दंड आणि परवाना निलंबन यासारख्या कडक कारवाईचा सामना करावा लागेल," असे आरटीओ प्रशासनाने स्पष्ट केले आहे.

 

 

 

आरटीओने दंडात्मक कारवाई वाढवण्याचे ठरवले असून, प्रवाशांना न्याय मिळवून देण्यासाठी त्यांनी हा प्रयत्न सुरु ठेवला आहे. राज्य सरकारने रिक्षा चालकांच्या वर्तनावर नियंत्रण ठेवण्यासाठी नियमावली तयार केली आहे. हे नियम कडकपणे लागू करणे आवश्यक आहे. यासाठी रिक्षांच्या मागील बाजूस चालकांचा फोटो, परमिट धारकांचे नाव, रिक्षा नंबर आणि आरटीओच्या तक्रार क्रमांकांसह एक सूचना पाटी लावणे आवश्यक ठरले आहे.प्रवाशांच्या सुरक्षेसाठी आणि त्यांच्या आर्थिक फसवणुकीला आळा घालण्यासाठी डॉ. बाबा शिंदे, चालक मालक वाहतूक संघटनेचे अध्यक्ष, यांनी या मुद्द्यावर लक्ष वेधले आहे. त्यांनी आरटीओकडून रिक्षाचालकांना या नियमांचा काटेकोरपणे पालन करण्याची विनंती केली आहे, तसेच प्रवाशांना तक्रारीसाठी अधिक माहिती उपलब्ध करावयाची आवश्यकता असल्याचे स्पष्ट केले आहे.आरटीओच्या या कडक कारवाईमुळे पुण्यातील रिक्षाचालकांची मनमानी थांबवण्यासाठी एक मोठा प्रयत्न सुरू झाला आहे. यामुळे प्रवाशांना दिलासा मिळण्याची शक्यता आहे.