विनयभंगाच्या आरोपीने पीडितेच्या पतीला पेटवले; जामिनवर बाहेर आला होता आरोपी

पोलिसांनी दिलेल्या माहितीनुसार, ही घटना २९ डिसेंबर रोजी सकाळी नायगाव तालुक्यातील बेंद्री गावात घडली. संतोष माधवराव बेंद्रीकर याच्याविरुद्ध २२ डिसेंबर रोजी एका महिलेची छेडछाड केल्याप्रकरणी नायगाव पोलिस ठाण्यात गुन्हा दाखल करण्यात आला होता. त्यानंतर २८ डिसेंबर रोजी नरसी परिसरातून त्याला अटक करण्यात आली होती. मात्र काही वेळातच त्याला जामिनावर सोडण्यात आले होते. पोलिसांच्या माहितीनुसार, २९ डिसेंबर रोजी बेंद्रीकर आणि त्याच्या कुटुंबीयांनी पीडित महिलेच्या पतीकडे जाऊन, त्यांनी पोलिसांकडे तक्रार का केली याबाबत जाब विचारला. nanded-crime-news त्याच दरम्यान, पीडित महिलेचा पती आपल्या घराजवळील टिनच्या शेडमध्ये म्हशींना चारा देण्यासाठी गेला असताना, आरोपी संतोष बेंद्रीकर, त्याचे वडील माधव आणि भाऊ शिवकुमार यांनी त्याच्या अंगावर पेट्रोल ओतून त्याला पेटवून दिले. या घटनेत महिलेचा पती गंभीर भाजला असून, त्याला नांदेड शहरातील एका रुग्णालयात उपचारासाठी दाखल करण्यात आले आहे.