नगरपंचायत निवडणुकीत काळी बाहुली... लिंबू... कुंकू आणि जादूटोणा

amit wahul फुलंब्री नगरपंचायतीच्या निवडणुकीत ज्या प्रकारची अनपेक्षित घटना घडली ती शहरासह परिसरात चर्चेचा विषय ठरली आहे. छत्रपती संभाजीनगरपासून हाकेच्या अंतरावर असलेल्या फुलंब्रीमध्ये नगरपंचायतीच्या निवडणुकीत पराभव पत्करणाऱ्या शिवसेना उमेदवारांनी आपला पराभव जादूटोण्याशी जोडल्याचा खळबळजनक दावा केला आहे.

 

 

 

फुलंब्री नगरपंचायतीच्या प्रभाग क्रमांक ९ मधील भारत माता मतदान केंद्रावर, निवडणुकीपूर्वी १८ डिसेंबर रोजी, जादूटोण्याचा प्रकार घडल्याचे समोर आले. यानंतर या घटनेवरून नागरिकांमध्ये भीती निर्माण झाल्याचा आरोप पराभूत उमेदवार अमित वाहुळ यांनी केला आहे. वाहुळ म्हणाले की, या प्रकारामुळे मतदारांनी मतदान टाळले किंवा त्यांचा निर्णय बदलला, ज्यामुळे त्यांचा पराभव निश्चित झाला.या घटनेवरून अमित वाहुळ यांनी फुलंब्री पोलीस ठाण्यात तक्रार दाखल केली आहे. त्यांनी मागणी केली आहे की, महाराष्ट्र अंधश्रद्धा निर्मूलन व जादूटोणा विरोधी कायद्यांतर्गत संबंधित लोकांविरोधात त्वरित कारवाई केली जावी. वाहुळ यांनी या घटनेला लोकशाहीसाठी धोका असल्याचे म्हटले असून, मतदारांमध्ये भीती आणि संभ्रम निर्माण करणाऱ्या या घटनेचा निषेध केला आहे.

शहरातील राजकीय वातावरणात या घटनेमुळे खळबळ उडाली असून, निवडणुकीत पराभव पत्करणाऱ्या इतर उमेदवारांनाही या प्रकारामुळे चर्चा करावी लागली आहे. काही उमेदवारांनी मतदारांचे आभार मानले असले तरी काहींनी मतदान प्रक्रियेत झालेल्या घडामोडींवर नाराजी व्यक्त केली आहे.

यावेळी अमित वाहुळ यांनी नागरिकांना आवाहन केले आहे की, कोणत्याही प्रकारच्या जादूटोणा किंवा अंधश्रद्धेमुळे मतदानाच्या प्रक्रियेत हस्तक्षेप होऊ नये. त्यांनी मतदारांचे मन शांत करण्यासाठी आणि लोकशाही प्रक्रियेला धोका निर्माण होण्यापासून प्रतिबंध करण्यासाठी प्रशासनाने तातडीने पावले उचलावीत असे सांगितले आहे.फुलंब्रीमध्ये या प्रकाराने निवडणुकीच्या वातावरणातच नव्हे, तर राजकीय आणि सामाजिक चर्चेतही उथलपुथल उडवली आहे. नागरिकांमध्ये पसरलेल्या भीतीमुळे मतदानावर होणारा परिणाम आणि जादूटोण्याच्या आरोपांमुळे भविष्यातील निवडणुका अधिक सुरक्षित करण्याची आवश्यकता अधोरेखित झाली आहे.