शासकीय ई-निविदा प्रक्रिया शासकीय नियमांप्रमाणे राबवा

government-e-tendering-process : तालुक्यातील ग्रामपंचायत अंतर्गत राबवण्यात येणाèया ई-निविदा शासकीय नियमांप्रमाणे राबवल्या जात नाहीत. या ई-निविदा लावताना ग्रामअधिकारी आपल्या मर्जीप्रमाणे ई-निविदेत नियम व अटी टाकताना आढळत आहेत. भविष्यात ई-निविदा लावताना केवळ शासकीय नियमांप्रमाणे अटी-शर्ती टाकण्यात येवून ई-निविदा राबविण्यात यावा, अशा आशयाचे निवेदन यवतमाळ जिल्हा कंत्राटदार कल्याण संघटना यवतमाळच्या वतीने गटविकास अधिकाèयांना देण्यात आले आहे.

 

 

 

 

 

 

शासन निर्णयांनुसार ग्रामपंचायत स्तरावर केवळ 3 लाखापर्यंत ऑफलाईन व तीन लाखांच्या वरील सर्व निविदा यापुढे ई-निविदा प्रक्रिया राबविण्यात यावी, ई-निविदा प्रकाशित करताना कार्यालयातील कर्मचाèयांमार्फत प्रकाशित करण्यात याव्यात कारण आतापर्यंतच्या ई निविदा बाहेरील व्यक्तीकडून ग्रामपंचायत अंतर्गत राबविण्यात येत आहे. तरी यापुढे वरील सर्व ई-निविदा शासकीय नियमांनुसार लावण्याचे आदेश आपल्या स्तरावरून सर्व ग्रामपंचायत कार्यालयास देण्यात यावेत अन्यथा अशा प्रकारच्या ई-निविदा प्रकाशित न झाल्यास संघटनेला आंदोलनात्मक भूमिका घ्यावी, लागेल किंवा न्यायालयात दाद मागण्यात येईल, अशी मागणी या निवेदनातून करण्यात आली.

 

 

निवेदन देताना यवतमाळ जिल्हा कंत्राट कल्याण संघटनेचे अध्यक्ष प्रवीण उंबरकर, सचिव अमित उत्तरवार, कोषाध्यक्ष रुपेश गुल्हाने, अभियंता राजू दूधपोळे, सुधाकर गेडाम, अभियंता आकाश ताठे, ओम डाखोरे, सुमीत डाखोरे, मंथन ठुणे, विशाल गवारकर, अभियंता राहुल पाटील यांची उपस्थिती होती.