नोएडा येथील अभियंता युवराजच्या मृत्यूप्रकरणी बांधकाम व्यावसायिकाला अटक

death-of-engineer-yuvraj-from-noida नोएडा येथील सेक्टर १५० मध्ये सॉफ्टवेअर अभियंता युवराजच्या मृत्यूप्रकरणी पहिली अटक करण्यात आली आहे. एमझेड विशटाऊनचे बिल्डर आणि मालक अभय कुमारला अटक करण्यात आली आहे. नॉलेज पार्क पोलिसांनी त्याला  अटक केली आहे. पोलिसांकडे दाखल केलेल्या एफआयआरमध्ये एमझेड विशटाऊन आणि लोटस ग्रीन या दोन बांधकाम व्यावसायिकांची नावे आहेत.

 

 

मुख्यमंत्री योगी आदित्यनाथ यांनी पाच दिवसांत या घटनेचा तपास अहवाल मागवला आहे. त्यांनी या प्रकरणाची चौकशी करण्यासाठी तीन सदस्यीय विशेष तपास पथकाची स्थापना केली आहे. सोमवारी, उत्तर प्रदेश सरकारने नोएडा विकास प्राधिकरणाचे मुख्य कार्यकारी अधिकारी लोकेश एम यांना त्यांच्या पदावरून काढून टाकले आणि त्यांना प्रतीक्षा यादीत टाकले. death-of-engineer-yuvraj-from-noida नोएडा विकास प्राधिकरणाच्या मुख्य कार्यकारी अधिकारी पदावर अद्याप कोणालाही नियुक्त करण्यात आलेले नाही.

सोमवारी जारी केलेल्या अधिकृत निवेदनानुसार, जीएनआयडीएचे मुख्य कार्यकारी अधिकारी (सीओ) एन.जी. रवी कुमार यांनी अधिकाऱ्यांना रस्त्यांवरील आणि जवळील सर्व खड्डे ओळखण्याचे, ते त्वरित भरण्याचे आणि अपघातप्रवण क्षेत्रे विलंब न करता चिन्हांकित करण्याचे निर्देश दिले. तसेच तीन दिवसांत सर्व रस्त्यांवर साइनबोर्ड, रिफ्लेक्टर आणि स्पीड ब्रेकरसह आवश्यक सुरक्षा उपाययोजना राबवण्याचे निर्देश त्यांनी दिले. death-of-engineer-yuvraj-from-noida मृत अभियंता युवराज मेहताची गाडी १६ जानेवारी रोजी एका बांधकाम स्थळाजवळील पाण्याने भरलेल्या खड्ड्यात पडली. त्या ठिकाणी कोणतेही अडथळे नव्हते. एका मॉलच्या भूमिगत मजल्याच्या बांधकामासाठी हा खड्डा खोदण्यात आला होता. या घटनेत निष्काळजीपणाचे आरोप केले जात आहेत.