लिफ्ट चालूच … खाली मृतदेह चिरडला जात होता; 10 दिवसांनी उघडकीस आली भयावह घटना

bhopal-elevator-accident मध्यप्रदेशाची राजधानी भोपाळ आता एका विचित्र आणि धक्कादायक घटनेमुळे हादरली आहे. शेकडो लोक राहणाऱ्या पॉश कॉलनीत, 77 वर्षीय वृद्ध प्रीतम गिरी यांचा मृतदेह लिफ्टच्या खाली तब्बल 10 दिवस पडला होता, आणि दरम्यान लिफ्ट सतत वर-खाली चालत राहिली, तरीही कोणालाही याचा आढावा लागला नाही.

प्रीतम गिरी हे 6 जानेवारी रोजी दुपारी घरातून बाहेर निघाले होते. “थोड्या वेळात परत येतो” असे सांगून निघालेल्या गिरी काही वेळानंतर परत आले नाहीत. त्यांच्या बेपत्तेपणाची तक्रार 7 जानेवारीला मिसरोद पोलीस ठाण्यात नोंदवण्यात आली. गिरी हे तिसऱ्या मजल्यावरील D-304 फ्लॅटमध्ये राहत होते. त्यादिवशी लिफ्टमध्ये तांत्रिक बिघाड होता; तरीही लिफ्टचा दरवाजा उघडा राहिला. प्रीतम गिरी यांना याचा अंदाज न लागता ते थेट शाफ्टमध्ये पडले आणि अपघातानंतर मृत्यू झाला. धक्कादायक बाब म्हणजे, मृतदेह शाफ्टमध्ये पडल्यावरही लिफ्ट चालू राहिली. नागरिक सतत वर-खाली जात होते, आणि प्रत्येक वेळी लिफ्ट मृतदेहावरून गेली, तरीही कोणालाही त्याचा आढावा लागला नाही. bhopal-elevator-accident 16 जानेवारीला लिफ्ट अचानक बंद पडल्यावर सोसायटीने तंत्रज्ञांना पाचारण केले. ग्राऊंड फ्लोअरवरून लिफ्ट उचलल्यावर सडलेल्या अवस्थेत मृतदेह सापडला, ज्याची ओळख कुटुंबीयांनी प्रीतम गिरी यांची केली.

प्रीतम गिरींच्या मुलाने, मनोज गिरी यांनी बिल्डर आणि सोसायटी व्यवस्थापनावर संताप व्यक्त केला. तिसऱ्या मजल्यावरील सीसीटीव्ही कॅमेरे अनेक वर्षांपासून बंद असल्याचे आणि लिफ्टच्या देखभालीला दुर्लक्ष केले गेले असल्याचे त्यांनी म्हटले. रहिवाशांनी सांगितले की, लिफ्ट दरवाजे उघडण्याचे प्रकार आधीही घडले होते, पण त्याकडे दुर्लक्ष केले गेले. मिसरोद पोलीस ठाण्याचे प्रभारी रतन सिंह परिहार यांनी या प्रकरणी गुन्हा दाखल केला आहे. पोस्टमार्टम अहवालानुसार प्रीतम गिरी यांचा मृत्यू छातीला गंभीर दुखापत झाल्यामुळे झाला आहे. bhopal-elevator-accident एसीपी रजनीश कश्यप यांनी सांगितले की, लिफ्टच्या देखभाल आणि दुरुस्तीची जबाबदारी असलेल्या लोकांना नोटीस बजावण्यात येणार आहे, आणि निष्काळजीपणा सिद्ध झाल्यास कडक कायदेशीर कारवाई होईल.