गुळाचा हलवा आरोग्यास लाभदायक… जाणून घ्या सोपी रेसिपी

jaggery halwa recipe, हिवाळ्यात थंडीत शरीर उबदार ठेवण्यासाठी गरमागरम गोड पदार्थांचे सेवन करणे अनेकांना आवडते. अशा वेळी घरच्या घरी बनवता येणारा गुळाचा हलवा हा उत्तम पर्याय ठरतो. चव आणि आरोग्याचा अनोखा मिलाफ असलेला हा हलवा फक्त १५ ते २० मिनिटांत तयार होतो आणि त्यासाठी कोणत्याही महागड्या किंवा विशेष घटकांची आवश्यकता नाही.

 

 

 

गुळाचा हलवा बनवताना गव्हाचे पीठ, गूळ, तूप, वेलची पावडर आणि काही सुक्या मेवे वापरले जातात. प्रथम एका पॅनमध्ये पाणी आणि गूळ घालून ते गॅसवर वितळवावे. दुसऱ्या पॅनमध्ये तूप गरम करून त्यात गव्हाचे पीठ घालून मंद आचेवर सतत ढवळत राहावे, जेणेकरून पीठ जळून जाणार नाही. सुमारे दोन मिनिटांनी त्यात काजू घालून पीठ गडद तपकिरी होईपर्यंत भाजावे.

यानंतर भाजलेल्या पिठामध्ये गुळाचे वितळलेले पाणी घालावे आणि मोठ्या आचेवर सतत ढवळत राहावे. काही वेळाने पाणी वाष्पीकरण होऊन हलवा घट्ट होऊ लागतो. शेवटी वेलची पावडर घालून चांगले मिसळावे आणि वरून बदामाचे तुकडे शिंपडावेत.तज्ज्ञांच्या मते, गुळाचा हलवा फक्त चविष्ट नाही तर पोषक घटकांनी समृद्ध असतो. गूळ शरीराला उर्जा देतो आणि थंडीपासून संरक्षण करतो. हिवाळ्यात मुलांपासून ते मोठ्यांपर्यंत सर्वांनाच हा हलवा आवडतो आणि गरमागरम हलव्याचा आस्वाद घेणे घरातील प्रत्येक सदस्यासाठी खास आनंददायी ठरते.