बापाला घाबरत नाही... रुपाली ठोंबरे पाटील यांच्या थेट इशारा!
Total Views |
पुणे,
Rupali Thombre Patil, महापालिका निवडणुकीच्या मतमोजणीदरम्यान गोंधळ घालून शासकीय कामकाजात अडथळा निर्माण केल्याच्या आरोपावर रुपाली ठोंबरे पाटील यांच्यासह काही उमेदवार व त्यांच्या प्रतिनिधींवर विश्रामबाग पोलिस ठाण्यात गुन्हा दाखल करण्यात आला आहे. या प्रकरणी कसबा विश्रामबाग वाडा क्षेत्रीय कार्यालयातील उप अभियंता सुधीर आलुरकर (वय ५२) यांनी फिर्याद दिली आहे.
पोलिसांनी Rupali Thombre Patil,दिलेल्या माहितीनुसार, १६ जानेवारी रोजी दुपारी सुमारे १२ वाजता महापालिकेच्या मतमोजणीची प्रक्रिया सुरू असताना रुपाली ठोंबरे पाटील यांनी हरकत अर्जाची पोच देण्याची मागणी करत मतमोजणी केंद्रात प्रवेश करण्याचा प्रयत्न केला. सुरक्षा कारणास्तव उभारण्यात आलेल्या सुरक्षा जाळीवर चढून आरडाओरड केल्याने निवडणूक प्रक्रियेत तसेच शासकीय कामकाजात अडथळा निर्माण झाला.यावेळी त्यांच्यासोबत असलेल्या काही इतर उमेदवार व प्रतिनिधींनीही गोंधळ घालून परिस्थिती तणावपूर्ण केली, असे पोलिसांनी नमूद केले आहे. या घटनेनंतर संबंधितांवर गुन्हा दाखल करण्यात आला असून, पुढील तपास पोलिस उपनिरीक्षक तेली करत आहेत.
दरम्यान, रुपाली ठोंबरे पाटील यांनी सोशल मीडियावर व्हिडिओ शेअर करत आपली भूमिका स्पष्ट केली आहे. त्यांनी म्हटले की, “माझ्यावर खोटा गुन्हा दाखल करण्यात आला आहे. निवडणुकीनंतर मी कोणतेही गैरकृत्य केलेले नाही. अशा गुन्ह्याला मी घाबरत नाही. पोलिसांनी आणि निवडणूक आयोगाने आत्मपरीक्षण करावे. पोलिसांनी आपली अकार्यक्षमता दाखवली आहे. कोणाच्या दबावाखाली गुन्हा दाखल केला असेल, तर त्याला मी भीक घालत नाही.”या घटनेमुळे पुण्यातील राजकीय वातावरणात खळबळ उडाली असून, सर्वांचे लक्ष पुढील तपासाकडे लागले आहे.