पुण्यात खळबळ! '5 कोटी दे, नाहीतर बाबा सिद्दिकी' करू

sunny waghchaure शहरातील प्रसिद्ध 'गोल्डन मॅन' सनी वाघचौरे यांना अज्ञात व्यक्तींकडून मोठ्या प्रमाणात धमक्यांचा सामना करावा लागला आहे. मिळालेल्या माहितीनुसार, वाघचौरे यांना लॉरेन्स बिष्णोई गँगच्या नावाने ५ कोटी रुपयांची खंडणी मागण्यात आली आहे. धमक्यांमध्ये असा संदेशही होता की, "खंडणी दिली नाही तर बाबा सिद्दिकींसारखी अवस्था करू आणि अंगावर सोन्यापेक्षा जास्त पितळ (गोळ्या) घालू," अशी थेट धमकी मेसेजद्वारे देण्यात आली. या प्रकारामुळे शहरात तणावाचे वातावरण निर्माण झाले आहे.

 

 

मिळालेल्या माहितीप्रमाणे, २५ जानेवारी रोजी वाघचौरे यांना कॅनडातील एका आंतरराष्ट्रीय क्रमांकावरून व्हॉट्सॲप कॉल आला. कॉल करणाऱ्याने आपली ओळख बिष्णोई गँगचा सदस्य 'शुभम लोणकर' अशी करून दिली आणि "गुगलवर सर्च कर, आमची गँग कोण आहे, बाकी मेसेजवर बोलतो" असे सांगत फोन कट केला.

 

 

पुढील दिवस, sunny waghchaure म्हणजे २६ जानेवारी रोजी, वाघचौरे यांना त्याच क्रमांकावरून एक धक्कादायक मेसेज मिळाला. मेसेजमध्ये स्पष्टपणे म्हटले होते की, "तुझ्याकडून ५ कोटी रुपये हवेत. तुला जगातील कोणतीही ताकद वाचवू शकत नाही. तुझ्याकडे ५ दिवसांचा वेळ आहे. गोळी कोठूनही येऊ शकते. जर उत्तर दिले नाही तर तुझी अवस्था बाबा सिद्दिकींसारखी करीन. जेवढे सोने तू अंगावर घालतोस, त्यापेक्षा जास्त पितळ (गोळ्या) तुझ्या शरीरात भरले जाईल."

 

 

या गंभीर धमकीनंतर sunny waghchaure सनी वाघचौरे यांनी त्वरित पिंपरी-चिंचवड पोलीस आयुक्तालयात तक्रार दाखल केली. प्रकरणाच्या गांभीर्याचे गांभीर्य लक्षात घेऊन पोलिसांनी तात्काळ तपास सुरू केला आहे. गुंडविरोधी पथकाकडून (ANC) या प्रकरणाचा सखोल आणि तपशीलवार शोध सुरू असून, पोलिस आता पाहत आहेत की हा फोन खरोखरच बिष्णोई गँगकडून आला आहे की कुणीतरी खोडसाळपणासाठी हा प्रकार घडवून आणला आहे.पिंपरी-चिंचवड पोलीस आयुक्तालयाने नागरिकांना अशा प्रकारच्या धमक्यांबाबत सावध राहण्याचे आवाहन केले आहे आणि काही संशयास्पद कॉल किंवा मेसेज मिळाल्यास तत्काळ पोलिसांना कळवण्याची विनंती केली आहे.