आंदवार्ता! MPSC विद्यार्थ्यांसाठी घेण्यात आला मोठा निर्णय

MPSC Group B exam 2024 महाराष्ट्र लोकसेवा आयोगाकडून (एमपीएससी) स्पर्धा परीक्षांची तयारी करणाऱ्या लाखो उमेदवारांसाठी दिलासादायक निर्णय जाहीर करण्यात आला आहे. महाराष्ट्र गट-ब (अराजपत्रित) सेवा संयुक्त पूर्व परीक्षा २०२४ आणि महाराष्ट्र गट-क सेवा संयुक्त पूर्व परीक्षा २०२४ साठी पात्र उमेदवारांना एक वर्षाची वयोमर्यादेतील शिथिलता देण्याचा महत्त्वपूर्ण निर्णय आयोगाने घेतला आहे. त्यामुळे केवळ वयोमर्यादा ओलांडल्यामुळे परीक्षेपासून वंचित राहिलेल्या अनेक उमेदवारांना पुन्हा एकदा स्पर्धेत सहभागी होण्याची संधी मिळणार आहे.

 

 

राज्यातील ग्रामीण तसेच शहरी भागातील हजारो तरुण गेल्या अनेक वर्षांपासून एमपीएससी परीक्षांची तयारी करत आहेत. मात्र कोरोना काळ, प्रशासकीय अडचणी आणि विविध कारणांमुळे परीक्षा वेळेवर न झाल्याने अनेक उमेदवारांचे वय कमाल मर्यादेपेक्षा अधिक झाले होते. यामुळे त्यांच्यावर अन्याय होत असल्याची भावना उमेदवारांमध्ये होती. या पार्श्वभूमीवर विद्यार्थी संघटना आणि स्पर्धा परीक्षा समन्वयकांनी सातत्याने वयोमर्यादा वाढवून देण्याची मागणी केली होती. अखेर या मागणीला यश आले असून आयोगाने ही एक वेळची विशेष सवलत जाहीर केली आहे.

 

 

आयोगाच्या MPSC Group B exam 2024 निर्णयानुसार ही वयोमर्यादेतील शिथिलता केवळ २०२४ मधील गट-ब आणि गट-क संयुक्त पूर्व परीक्षांसाठी लागू असणार आहे. कमाल वयोमर्यादा ओलांडलेले, मात्र इतर सर्व पात्रता अटी पूर्ण करणारे उमेदवार या सवलतीचा लाभ घेऊन अर्ज करू शकणार आहेत. हा निर्णय अनेक उमेदवारांसाठी आशेचा किरण ठरला असून, शासकीय सेवेत प्रवेश मिळवण्याची शेवटची संधी म्हणूनही याकडे पाहिले जात आहे.

 

 

या निर्णयासोबतच एमपीएससीने MPSC Group B exam 2024 अर्ज सादर करण्याच्या अंतिम मुदतीतही वाढ केली आहे. इच्छुक आणि नव्याने पात्र ठरणाऱ्या उमेदवारांना आता ६ जानेवारीपर्यंत ऑनलाईन अर्ज सादर करता येणार आहे. त्यामुळे आवश्यक कागदपत्रांची पूर्तता करण्यासाठी आणि अर्ज प्रक्रियेसाठी उमेदवारांना अतिरिक्त वेळ मिळाला आहे.नव्याने अर्ज करणाऱ्या उमेदवारांसाठी परीक्षा केंद्रांबाबतही आयोगाने स्पष्ट सूचना दिल्या आहेत. अशा उमेदवारांना अमरावती, छत्रपती संभाजीनगर, नागपूर, नाशिक, नवी मुंबई आणि पुणे या जिल्हा केंद्रांतील परीक्षा उपकेंद्रांवरच परीक्षा देण्याची परवानगी देण्यात येणार आहे. त्यामुळे अर्ज भरताना परीक्षा केंद्राची निवड काळजीपूर्वक करण्याचे आवाहन आयोगाने केले आहे.एकूणच, एमपीएससीचा हा निर्णय उमेदवारांमध्ये समाधान आणि आनंदाचे वातावरण निर्माण करणारा ठरला आहे. विशेषतः आर्थिक अडचणींचा सामना करणारे आणि ग्रामीण भागातील तरुण यामुळे मोठ्या प्रमाणावर लाभार्थी ठरणार आहेत. राज्यभरातील हजारो उमेदवारांना या निर्णयाचा थेट फायदा होणार असून, अनेकांच्या शासकीय सेवेत प्रवेशाच्या आशा पुन्हा एकदा पल्लवित झाल्या आहेत.